Yohanes 3:32 - Perjanjian Baru Bahasa Melayu Maluku Utara

³² Dia kase tau tentang apa yang Dia ada lia deng yang Dia ada dengar, tapi tara ada orang yang percaya deng apa yang Dia kase tau itu.

Yohanes 3:32 ပူးပေါင်းရင်းမြစ်များ

Matius 7:8

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Yohanes 1:11

Dia datang pa orang-orang Yahudi yang satu bangsa deng Dia, tapi dorang tara tarima pa Dia.

Yohanes 15:15

Kita tara sebut ngoni ini orang karja lagi, karna orang karja itu tara tau apa yang dia pe tuang biking. Tapi Kita bilang ngoni ini Kita pe tamang, karna samua yang Kita so dengar dari Kita pe Bapa, Kita so kase tau pa ngoni.

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Yohanes 3:11

Inga bae-bae yang Kita mo bilang ini, Kita deng orang yang iko pa Kita, kase tau tentang apa yang torang so lia deng yang torang tau butul, tapi ngoni tara mo percaya.

Yohanes 3:26

Turus Yohanes pe murit-murit itu datang pa Yohanes kong balapor tentang Yesus, “Guru, guru masi inga to, pa Orang yang sama-sama deng guru di kali Yordan pe sabla? Guru perna kase tau tentang Dia. Coba lia pa Dia, Dia me ada baptis orang kong pe banya skali orang yang so datang pa Dia.”

Yohanes 3:33

Tapi sapa yang percaya deng apa yang Dia kase tau itu, orang itu setuju, samua yang Tuhan Allah bilang itu butul.

Yohanes 5:20

Barang, Bapa sayang pa Dia pe Anak kong Dia kase tunju pa Dia pe Anak samua yang Dia sementara biking. Deng nanti Dia akan kase tunju lagi hal yang lebe basar dari mujizat-mujizat yang Dia pe Anak so biking ini, supaya ngoni jadi herang skali.

Yohanes 8:26

Sebenarnya masi banya lagi yang musti Kita bilang deng kase sala pa ngoni. Tapi Kita cuma mo bilang pa ngoni apa yang Kita dengar dari Dia yang so utus pa Kita. Yang Dia bilang itu butul, kong itu suda yang Kita kase tau pa orang-orang di dunia.”