Yohanes 3:29 - Perjanjian Baru Bahasa Melayu Maluku Utara

²⁹ Skarang Dia so ada, jadi kita sanang skali. Dia itu sama deng pengantin laki-laki, kong kita ini sama deng Dia pe tamang. Pengantin laki-laki itu yang penting, karna pengantin parampuang itu dia punya. Tapi pengantin laki-laki pe tamang tara penting, dia cuma badiri dekat pa dia kong badengar pa dia. Dia sanang skali dengar pengantin laki-laki pe suara. Bagitu lagi deng kita, kita sanang skali dengar lebe banya orang ada iko pa Dia.

Yohanes 3:29 ပူးပေါင်းရင်းမြစ်များ

Matius 22:2

“Tuhan Allah Berkuasa sebagai Raja pa Dia pe umat, sama deng umpama ini: ada raja satu yang biking dia pe ana pe pesta kawing.

Matius 25:1

Yesus bilang lagi, “Nanti kalu Anak Manusia yang dari sorga datang ulang kong Berkuasa sebagai Raja, itu pe keadaan bole kase sama deng umpama ini: ada nona-nona spulu orang yang bawa lentera untuk sambut pengantin laki-laki.

Matius 9:15

Yesus jawab pa dorang pake babarapa umpama bagini, “Kita ini sama deng pengantin laki-laki. Kalu pengantin laki-laki masi ada di pesta kawing, apa dia pe tamang-tamang mo sedi? Tara mungkin dia pe tamang-tamang mo sedi kalu dia masi sama-sama deng dorang. Tapi nanti ada dia pe waktu, orang mo ambe pa pengantin laki-laki itu dari dorang. Waktu itu baru dorang bapuasa.

Lukas 15:6

Pe sampe di ruma, dia pangge dia pe tamang-tamang deng birman-birman, kong bilang pa dorang, ‘Kita pe domba yang ilang kita so dapa ulang. Jadi mari basanang-sanang deng kita!’

Yohanes 15:11

Kita bilang samua itu pa ngoni, supaya sanang yang ada pa Kita, ngoni lagi bole rasa, deng bagitu ngoni pe hati mo sanang luar biasa.

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Yohanes 17:13

Bapa, skarang Kita mo pigi pa Bapa. Kita berdoa samua ini untuk orang-orang yang iko pa Kita waktu Kita masi ada di dunia ini, supaya sanang yang Kita rasa, dorang lagi bole rasa.

Yohanes 3:30

Dia musti jadi lebe tamba penting dari kita, kong kita musti lebe hari lebe tamba tara penting.”

2 Korintus 11:2

Kita jaga bae-bae pa ngoni sama deng Tuhan Allah sandiri jaga pa ngoni, jang sampe ada yang ganggu ngoni pe percaya pa Yesus Kristus. Kita sama deng papa satu yang so janji mo kase kawing dia pe ana parampuang deng laki-laki satu, jadi papa itu jaga turus pa ana parampuang itu supaya dia tetap bersi sampe dia kawing deng dia pe calon kawing.

Filipi 2:2

Jadi, ngoni biking suda kita pe hati lebe tamba sanang deng cara bagini: ngoni musti hidup satu hati deng satu pikiran, ngoni musti lebe baku-baku sayang, ngoni musti ada hubungan dekat satu deng yang laeng, deng ngoni lagi musti hidup deng satu tujuan.

1 Yohanes 1:4

Samua ini torang tulis untuk ngoni supaya torang samua pe hati tatamba sanang.

2 Yohanes 1:12

Memang masi banya yang kita mo bilang pa ngoni, tapi lebe bae jang lewat surat. Kita harap bisa baku dapa deng ngoni la bisa bicara langsung deng ngoni, supaya torang pe hati butul-butul sanang.

Wahyu 21:9

Abis itu, kita lia malaekat satu dari tuju malaekat yang perna bawa tuju mangko yang pe isi cilaka terahir itu. Malaekat itu bilang pa kita bagini, “Mari suda! Kita mo kase tunju pengantin parampuang itu deng Anak Domba.”