Yohanes 3:27 - Perjanjian Baru Bahasa Melayu Maluku Utara

²⁷ Yohanes jawab pa dorang, “Biar suda, tara apa-apa. Manusia cuma mampo biking apa yang Tuhan Allah kase pa dorang.

Yohanes 3:27 ပူးပေါင်းရင်းမြစ်များ

Matius 21:25

Coba ngoni bilang pa Kita, sapa yang kase hak pa Yohanes untuk baptis orang? Tuhan Allah, ka manusia?” Pe dengar bagitu, dorang baku bilang bagini, “Kalu torang bilang, ‘Tuhan Allah’, Dia akan mo bilang pa torang, ‘Bikiapa kong ngoni tara percaya pa Yohanes?’

Matius 25:15

Pa dia pe orang karja yang satu, dia kase doi mas lima tas. Pa dia pe orang karja yang satu lagi, dia kase doi mas dua tas. Turus, pa dia pe orang karja yang laeng lagi, dia kase doi mas satu tas. Dia kase percaya doi mas itu pa dorang, iko dorang pe kemampuan masing-masing. Abis itu, dia barangkat.

Markus 13:34

Waktu Anak Manusia yang dari sorga mo datang ulang, Kita kase conto sama deng tuang ruma satu yang kase tinggal dia pe ruma karna mo pigi di tampa yang jao. Sebelum dia pigi, dia kase tanggung jawab pa dia pe orang-orang karja la urus dia pe ruma, deng dia kase bagi pa dorang tugas masing-masing. Dia me suru pa penjaga la bajaga-jaga turus.

Yohanes 10:41

Banya orang yang datang pa Yesus, kong dorang baku bilang, “Yohanes memang tara perna biking mujizat, tapi samua yang Yohanes bilang tentang Orang ini, itu butul.”

Yohanes 6:65

Turus Yesus bilang, “Karna ada dari ngoni yang tara percaya, itu Kita pe maksut waktu Kita so bilang pa ngoni, tara ada orang biar cuma satu lagi yang bole mo datang iko pa Kita, kalu Bapa tara biking sampe dia bisa datang.”

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Roma 12:6

Tuhan Allah so kase pa torang karunia baku beda-beda karna Dia pe bae pa torang. Jadi torang musti pake karunia-karunia itu untuk biking bagini: kalu Tuhan Allah kase pa torang karunia untuk kase turus Tuhan Allah pe pasáng, torang musti kase turus pasáng itu pa orang-orang, iko torang pe percaya pa Tuhan Allah.

1 Korintus 1:1

Salam dari kita Paulus, Kristus Yesus pe utusan yang orang sebut rasul. Kita jadi rasul, itu karna Tuhan Allah pili pa kita iko Dia pe mau. Surat ini lagi dari Sostenes, torang pe sudara yang percaya.

1 Korintus 12:11

Samua karunia ini pe asal dari Roh Kudus yang sama, kong Roh Kudus itu cuma satu saja. Roh Kudus itu kase karunia yang baku-baku beda pa tiap-tiap orang, iko Roh Kudus itu pe mau.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

1 Korintus 3:5

Jang ngoni anggap kita deng Apolos orang penting. Torang dua ini cuma orang-orang yang jaga biking apa yang Tuhan suru. Torang kase tau Kabar Bae tentang Yesus Kristus pa ngoni sampe ngoni jadi percaya. Torang cuma biking tugas yang Tuhan kase pa torang masing-masing.

1 Korintus 4:7

Barang, kalu ngoni nilai pemimpin bagitu, itu sama deng ngoni anggap ngoni pe diri lebe penting dari orang laeng. Samua yang ngoni punya, itu dari Tuhan. Jadi bikiapa kong ngoni basombong, sama deng ngoni anggap apa yang ngoni tarima itu dari ngoni pe kemampuan sandiri, bukang dari Tuhan?

Galatia 1:1

Surat ini dari kita Paulus. Kita ini Yesus Kristus pe utusan yang orang sebut rasul. Kita jadi rasul, bukang karna manusia yang suru, atau karna manusia yang pili pa kita, tapi Yesus Kristus deng Tuhan Allah yang pili pa kita. Tuhan Allah itu suda torang pe Bapa, yang kase hidup ulang pa Yesus Kristus waktu Dia mati.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

1 Timotius 2:7

Untuk kase tau pa orang-orang Kabar Bae itu, Tuhan Allah pili pa kita jadi Dia pe utusan yang orang sebut rasul. Dia suru pa kita pigi kase tau deng kase ajar pa orang-orang yang bukang Yahudi, supaya dorang percaya pa Yesus deng iko ajaran yang butul. Samua yang kita bilang ini butul, kita tara bafoya.

Yakobus 1:17

Barang, samua yang bae deng sempurna yang torang dapa, itu datang dari Tuhan Allah yang di sorga. Dia itu torang pe Bapa yang biking matahari, bulan, deng bintang untuk kase tarang langit. Matahari, bulan, deng bintang itu basinar iko dia pe waktu untuk kase tarang dunia ini. Tapi Tuhan Allah tara bagitu, Dia tara beruba, Dia salalu bae.