Yohanes 3:11 - Perjanjian Baru Bahasa Melayu Maluku Utara

¹¹ Inga bae-bae yang Kita mo bilang ini, Kita deng orang yang iko pa Kita, kase tau tentang apa yang torang so lia deng yang torang tau butul, tapi ngoni tara mo percaya.

Yohanes 3:11 ပူးပေါင်းရင်းမြစ်များ

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 23:37

Abis itu, Yesus bilang, “Kasiang ngoni orang-orang Yerusalem! Ngoni yang bunu pa nabi-nabi yang jaga kase turus Tuhan Allah pe pasáng deng ngoni me lempar deng batu sampe mati pa orang-orang yang Tuhan Allah utus pa ngoni. So ulang-ulang kali Kita ingin kumpul pa ngoni supaya dekat deng Kita, sama deng ayam mai yang tutu dia pe ana-ana deng dia pe sayap. Tapi ngoni tara mau.

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Yohanes 1:11

Dia datang pa orang-orang Yahudi yang satu bangsa deng Dia, tapi dorang tara tarima pa Dia.

Yohanes 1:18

Tarada satu orang yang perna lia pa Tuhan Allah, tapi Anak Allah yang cuma satu itu yang jadi satu deng Tuhan Allah, Dia itu suda yang kase tunju deng jelas pa torang sapa itu Tuhan Allah.

Yohanes 12:49

Barang, Kita pe ajaran bukang dari Kita pe diri sandiri, tapi dari Bapa yang utus pa Kita. Dia itu yang ada parenta pa Kita untuk bilang apa yang musti Kita mo bilang deng kase tau.

Yohanes 14:24

Tapi sapa saja yang tara sayang pa Kita, orang itu tara biking Kita pe ajaran. Kita pe ajaran itu bukang dari Kita pe diri tapi dari Kita pe Bapa yang utus pa Kita.

Yohanes 3:12

Kalu yang Kita so bilang tadi itu saja ngoni tara mau percaya, kong apalagi kalu Kita mo kase tau tentang samua yang jadi di sorga? Pasti ngoni lebe tara percaya lagi!

Yohanes 3:13

Tara ada satu orang yang so perna nae di sorga, kacuali Anak Manusia yang turung dari sorga kong kase tau pa ngoni tentang apa yang jadi di sorga.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Yohanes 5:43

Kita datang di dunia ini, karna Kita pe Bapa yang utus pa Kita, tapi ngoni tara tarima pa Kita. Padahal kalu orang laeng datang pa ngoni kong dong utus dong pe diri sandiri, ngoni akan tarima pa dia.

Yohanes 7:16

Yesus bilang pa dorang, “Yang Kita kase ajar ini, bukang Kita pe ajaran sandiri, tapi dari Tuhan Allah yang utus pa Kita.

Yohanes 8:14

Yesus bilang pa dorang, “Biar lagi Kita basaksi tentang Kita pe diri sandiri, tapi yang Kita kase tau itu butul, karna Kita tau dari mana Kita datang deng ka mana Kita pigi. Tapi ngoni, ngoni tara tau, dari mana Kita datang deng ka mana Kita pigi.

Yohanes 8:26

Sebenarnya masi banya lagi yang musti Kita bilang deng kase sala pa ngoni. Tapi Kita cuma mo bilang pa ngoni apa yang Kita dengar dari Dia yang so utus pa Kita. Yang Dia bilang itu butul, kong itu suda yang Kita kase tau pa orang-orang di dunia.”

Yohanes 8:38

Yang Kita ajar pa ngoni itu, apa yang Kita lia dari Kita pe Bapa. Tapi ngoni, ngoni iko apa yang ngoni dengar dari ngoni pe papa.”

Kisah Para Rasul 22:18

sampe kita dapa lia langsung pa Tuhan Yesus. Di situ Tuhan Yesus bilang pa kita, ‘Capat kase tinggal kota Yerusalem ini, barang orang-orang di sini tara mo tarima apa yang ngana kase tau tentang Kita.’

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

Wahyu 3:14

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Laodikia. Ngana tulis bagini: Ini pasáng dari yang pe nama Amin, yang pe arti, Yang Butul, deng yang setia kase tau samua tentang Tuhan Allah, deng samua yang Dia bilang itu butul. Kong Tuhan Allah pake pa Dia untuk biking samua-samua yang ada di dunia ini: