Yohanes 3:10 - Perjanjian Baru Bahasa Melayu Maluku Utara

¹⁰ Yesus jawab, “Ee, bapa ini torang orang Israel pe guru agama to? Masa bapa tara mangarti yang Kita baru bilang tadi?

Yohanes 3:10 ပူးပေါင်းရင်းမြစ်များ

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

Matius 15:14

Jadi ngoni kase biar saja pa orang Farisi itu. Karna dorang itu sama deng orang buta tunda orang buta. Kalu orang buta kase tunju jalang pa orang buta laeng, dua-dua pasti jatu di lobang.”

Matius 22:29

Kong Yesus bilang pa dorang bagini, “Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa.

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Lukas 5:17

Satu kali, Yesus mangajar di ruma satu. Waktu itu ada babarapa orang Yahudi dari aliran fanatik yang pe nama Farisi deng ada lagi guru agama Yahudi yang ahli lima kitab Musa. Dorang itu dudu dengar Dia mangajar. Dorang datang dari samua kampong di daera Galilea deng Yudea, deng dari kota Yerusalem lagi. Tuhan Allah pe kuasa ada pa Yesus sampe Dia bole kase sembu orang-orang saki.

Yohanes 3:9

Kong Nikodemus tanya pa Yesus, “Bagimana kong bisa bagitu?”

Kisah Para Rasul 5:34

Tapi ada satu orang dari aliran Farisi di Mahkama Agama itu, dia pe nama Gamaliel. Dia ini guru agama Yahudi yang ahli lima kitab Musa, deng orang-orang hormati pa dia. Dia badiri, turus suru orang-orang kase kaluar rabu-rabu pa rasul-rasul dari situ.

Roma 2:28

Barang, torang orang Yahudi yang butul-butul itu, bukang cuma karna torang lahir dari torang pe orang tua yang Yahudi, deng bukang cuma karna tong so dapa sunat.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Kolose 2:11

Kita pe maksut, karna ngoni so satu hati deng Yesus Kristus, ngoni so jadi Dia pe umat. Ngoni jadi Dia pe umat bukang karna ngoni dapa sunat iko agama Yahudi pe aturan, tapi karna Yesus Kristus so kase bebas pa ngoni dari manusia pe mau yang jaga biking dosa.