Yohanes 21:18 - Perjanjian Baru Bahasa Melayu Maluku Utara

¹⁸ Inga bae-bae yang Kita mo bilang ini. Waktu ngana masi muda, ngana pake baju sandiri deng ngana bajalang ka mana saja ngana suka. Tapi kalu ngana so jadi tua, ngana mo kase ngana pe tangan kong orang mo ika, turus bawa pa ngana di tampa yang ngana tara suka mo pigi.”

Yohanes 21:18 ပူးပေါင်းရင်းမြစ်များ

Yohanes 13:36

Simon Petrus bilang pa Yesus, “Tuhan, Tuhan mo pigi ka mana kong?” Yesus jawab pa dia, “Kita mo pigi di tampa yang skarang ini ngana bolong bole iko. Tapi nanti baru ngana mo iko pa Kita ka sana.”

Kisah Para Rasul 21:11

Dia datang pa torang kong pinjam Paulus pe ban. Dia kase conto ika dia pe kaki deng tangan sandiri pake ban itu. Turus dia bilang, “Roh Kudus bilang bagini, ‘Orang yang punya ban ini, nanti orang-orang Yahudi di Yerusalem mo ika pa dia sama deng yang kita biking ini. Abis itu dorang mo serakan pa dia pa orang-orang yang bukang Yahudi kong dorang siksa pa dia.’ ”

2 Korintus 5:4

Memang selama torang hidup deng tong pe badan di dunia ini, torang mengelu karna banya sengsara. Tapi biar torang mengelu, itu bukang berarti torang ingin capat mati la torang lapas tong pe badan yang skarang, tapi torang mau supaya torang ganti tong pe badan yang lama deng badan yang baru di sorga.

Lukas 12:37

Orang-orang karja itu paling sanang skali karna waktu dorang pe tuang pulang, dong pe tuang dapa riki dorang masi bajaga tunggu pa dia. Kita mo bilang pa ngoni: dorang itu paling sanang skali karna dong pe tuang akan pake baju karja kong siap-siap layani pa dorang. Turus dia mo suru dia pe orang-orang karja itu dudu la makang, kong nanti dia sandiri yang mo layani pa dorang.

Yohanes 21:17

Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

Yohanes 21:19

Yesus bilang bagitu untuk kase tau bagimana Petrus mo mati nanti. Kong deng Petrus pe cara mati itu, banya orang akan puji deng hormat pa Tuhan Allah. Abis Yesus bilang bagitu, Dia bilang lagi pa Petrus, “Iko suda pa Kita.”