Yohanes 21:16 - Perjanjian Baru Bahasa Melayu Maluku Utara

¹⁶ Yesus batanya pa Simon untuk kedua kali, “Simon, Yohanes pe ana, apa ngana sayang pa Kita?” Simon jawab pa Yesus, “Iyo Tuhan, Tuhan tau, Kita sayang pa Tuhan.” Yesus bilang lagi pa dia, “Urus bae-bae Kita pe umat, sama deng gembala yang urus bae-bae dia pe domba-domba.”

Yohanes 21:16 ပူးပေါင်းရင်းမြစ်များ

Matius 2:6

‘Ngoni orang-orang Betlehem di tana Yehuda. Biar ngoni pe kota kacil, tapi akan jadi kota penting dari samua kota yang ada di Yehuda. Karna dari ngoni pe kota itu akan muncul pemimpin satu yang mo pimpin Kita pe umat, orang-orang Israel, sama deng gembala yang jaga dia pe domba.’ ”

Matius 25:32

Di situ, samua suku bangsa akan dapa kase kumpul pa Dia pe muka. Turus Dia mo kase pisa pa dorang jadi dua kelompok, sama deng gembala kase pisa dia pe domba dari kambing.

Matius 26:72

Tapi Petrus manyangkal lagi. Dia basumpa bilang, “Demi Tuhan! Kita tara kanal pa Dia.”

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Yohanes 18:17

Pembantu parampuang yang bajaga pintu pagar itu bilang pa Petrus, “Ee, ngana ini lagi Yesus pe murit to?” Kong Petrus jawab, “Bukang! Bukang kita.”

Yohanes 18:25

Waktu Yesus mangada pa imam basar Kayafas itu, Simon Petrus masi badiri di pinggir api untuk barahu. Kong orang-orang di situ bilang pa dia, “Bapa lagi Yesus pe murit to?”

Yohanes 21:17

Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Ibrani 13:20

Tuhan Allah yang salalu biking torang pe hati tetap tenang, Dia yang kase hidup ulang pa Yesus waktu Yesus mati. Yesus itu torang pe Tuhan yang pimpin pa torang bae-bae, sama deng gembala jaga dia pe domba bae-bae. Dia pe dara yang tatumpa itu so biking Tuhan Allah pe janji deng manusia jadi kuat sampe slama-lamanya. Jadi kita minta pa Tuhan Allah,

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.

1 Petrus 5:2

jaga bae-bae pa orang-orang percaya yang Tuhan Allah so kase untuk ngoni jaga, sama deng gembala jaga dia pe domba. Jaga pa dorang deng hati sanang iko Tuhan Allah pe mau. Jang jaga pa dorang cuma karna terpaksa atau karna mau dapa gaji saja. Tapi ngoni jaga pa dorang karna butul-butul ngoni mo tolong pa dorang.

Wahyu 7:17

Karna Anak Domba yang ada di tenga-tenga kursi raja pe muka itu, Dia mo jadi dorang pe Gembala. Dia mo bawa pa dorang minum di mata aer yang biking dorang hidup, kong Tuhan Allah mo hapus dorang samua pe aer mata.”