Yohanes 21:1 - Perjanjian Baru Bahasa Melayu Maluku Utara

¹ Abis itu, Yesus kase tunju Dia pe diri pa Dia pe murit-murit lagi di talaga Tiberias pe pinggir. Bagini dia pe carita:

Yohanes 21:1 ပူးပေါင်းရင်းမြစ်များ

Matius 26:32

Itu pe maksut, Kita akan mati, tapi waktu Kita hidup ulang, Kita akan sampe kamuka dari ngoni di daera Galilea la tong baku dapa di sana.”

Matius 28:16

Yesus pe murit seblas orang itu pigi di daera Galilea, di gunung satu yang Yesus suru dong ka sana.

Matius 28:7

Skarang, ngoni capat-capat bale suda, kong kase tau pa Dia pe murit-murit, bilang, ‘Yesus yang mati itu so hidup ulang. Kong Dia so kamuka di daera Galilea. Di sana ngoni akan lia pa Dia.’ Jadi inga e, samua yang kita bilang ini!”

Markus 16:12

Abis itu, Yesus kase tunju Dia pe diri pa Dia pe murit dua orang yang sementara bajalang ka satu kampong. Waktu itu dorang tara kanal pa Yesus, barang dorang dapa lia Yesus pe rupa so laeng. Tapi lama-lama baru dorang dapa kanal pa Dia.

Markus 16:14

Dia pe ahir kabawa, Yesus kase tunju Dia pe diri pa Dia pe murit-murit seblas orang itu waktu dorang sementara makang. Kong Yesus togor pa dorang karna dorang pe hati karas deng karna dorang tara percaya pa orang-orang yang so lia, Dia so hidup ulang.

Markus 16:7

Jadi skarang, ngoni bale suda, kase tau pa Dia pe murit-murit termasuk Petrus, bilang, ‘Yesus so kamuka di daera Galilea. Di sana ngoni akan lia pa Dia, sama deng yang Dia so bilang pa ngoni.’ ”

Yohanes 21:14

Itu yang so ketiga kali Yesus kase tunju Dia pe diri pa Dia pe murit-murit abis Dia mati kong hidup ulang.

Yohanes 6:1

Satu kali bagini, Yesus nae di parau kong pigi di talaga Galilea pe sabla. Talaga Galilea itu pe nama laeng, talaga Tiberias.

Yohanes 6:23

Sementara itu, ada orang-orang laeng yang datang deng dorang pe parau-parau dari kota Tiberias. Dorang sampe di dekat tampa yang orang banya ada makang roti kalamaring, waktu Yesus abis bilang tarimakasi pa Tuhan Allah.

Kisah Para Rasul 1:3

Pa dorang itu, waktu Yesus mati kong hidup ulang, Dia kase tunju Dia pe diri ulang-ulang la dorang tau butul-butul, Dia memang so hidup ulang. Dia kase tunju Dia pe diri pa dorang selama ampa pulu hari kong bicara pa dorang tentang bagimana Tuhan Allah Berkuasa sebagai Raja.