Yohanes 20:2 - Perjanjian Baru Bahasa Melayu Maluku Utara

² Jadi dia lari pigi pa Simon Petrus deng pa murit yang Yesus sayang. Pe sampe pa dorang, Maria bilang, “Woe, orang-orang so ambe Tuhan pe mayat dari kubur, kong torang tara tau dorang taru pa Dia di mana!”

Yohanes 20:2 ပူးပေါင်းရင်းမြစ်များ

Yohanes 13:23

Di situ, ada murit satu yang Yesus paling sayang. Murit itu ada dudu dekat skali deng Yesus.

Yohanes 19:26

Waktu Yesus lia Dia pe mama deng Dia pe murit yang Dia sayang ada badiri pa Dia pe mama pe pinggir, Yesus bilang pa Dia pe mama, “Mama, Kita pe murit itu, mama anggap saja dia itu mama pe ana skarang.”

Yohanes 20:13

Malaekat dua itu batanya pa dia, “Ibu, bikiapa kong ibu manangis?” Maria jawab pa dorang, “Kita manangis karna dorang so ambe kita pe Tuhan kong kita tara tau dorang taru di mana.”

Yohanes 20:15

Kong Yesus batanya pa dia, “Ibu, bikiapa kong ibu manangis? Ibu cari pa sapa?” Maria pikir Yesus itu orang yang bajaga kobong di tampa itu, kong dia bilang pa Orang itu, “Bapa, kalu Bapa yang ambe kita pe Tuhan pe mayat, bilang suda pa kita, Bapa ada taru di mana mayat itu, supaya kita bole mo pigi ambe.”

Yohanes 20:9

Barang, dari dulu sampe waktu itu, dorang bolong mangarti Kitab Suci pe isi yang bilang, Yesus itu mo mati kong hidup ulang.

Yohanes 21:20

Waktu itu, Petrus balia ka balakang, dia lia, murit yang Yesus sayang ada iko pa dorang. Murit itu yang dulu dudu baku dekat deng Yesus waktu dorang ada makang sama-sama sebelum Yesus mati. Kong waktu itu, dia itu yang ada batanya, “Tuhan, sapa yang mo bahianat pa Tuhan?”

Yohanes 21:24

Murit yang Yesus sayang itu, dia itu suda yang ada kase tau deng yang tulis samua yang ada di kitab ini. Torang samua tau, yang dia kase tau itu butul.

Yohanes 21:7

Kong murit yang Yesus sayang itu bilang pa Petrus, “Itu Tuhan!” Waktu Petrus dengar itu Tuhan, dia pake dia pe baju, barang tadi dia ada buka baju, kong dia balumpa di talaga.