Yohanes 2:15 - Perjanjian Baru Bahasa Melayu Maluku Utara

¹⁵ Kong Yesus ambe tali panjang kong biking cambok, turus Dia pake la user pa samua orang di situ deng dorang pe sapi deng domba. Kong Dia kase tabale meja-meja dari orang-orang yang kase tukar doi sampe dong pe doi me tataambur.

Yohanes 2:15 ပူးပေါင်းရင်းမြစ်များ

Matius 21:12

Abis itu, Yesus maso di Ruma Ibada Pusat pe kompleks. Di situ ada banya orang yang bajual deng babili, kong Yesus user pa dorang samua. Dia kase bula-bale tukang tukar doi pe meja-meja deng tukang jual burung pombo pe bangko-bangko.

Yohanes 18:6

Waktu Yesus bilang pa dorang, “Kita ini Dia suda,” dorang baundur ka balakang kong jatu ka bawa di tana.

Yohanes 2:14

Di Ruma Ibada Pusat pe kompleks, Yesus lia ada orang-orang yang bajual sapi, domba deng burung pombo untuk orang bili kong kase di imam la bakar jadi dong pe korban persembahan di Ruma Ibada Pusat itu. Di situ ada lagi orang yang dong pe karja tukar doi supaya orang asing yang datang bole biking dong pe persembahan pa Tuhan Allah deng bole babayar dong pe tanggung jawab.

Yohanes 2:16

Kong Dia bilang pa orang-orang yang jaga bajual burung pombo bagini, “Bawa kaluar samua ini dari sini. Jang ngoni biking Kita pe Bapa pe ruma jadi tampa bajual!”

Kisah Para Rasul 27:32

Pe dengar bagitu, tentara-tentara langsung pigi potong parau kacil pe tali kong kase biar parau kacil itu anyor.

2 Korintus 10:4

Barang, torang tara lawan pake senjata dunia yang manusia pake, tapi torang pake kuasa dari Tuhan Allah yang bisa kase kala pa apa saja yang malawang Tuhan pe firman. Kuasa dari Tuhan Allah itu bole kase sama deng senjata yang tentara jaga pake untuk kase ancor dong pe musu-musu pe benteng-benteng yang kuat.