Yohanes 18:20 - Perjanjian Baru Bahasa Melayu Maluku Utara

²⁰ Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Yohanes 18:20 ပူးပေါင်းရင်းမြစ်များ

Matius 24:26

Jadi, kalu ada orang yang bilang pa ngoni, ‘Coba lia, Mesias ada di padang gurun!’ Jang ngoni ka sana. Atau kalu ada yang bilang, ‘Coba lia, Mesias ada di ruang yang tasambunyi!’, itu me jang ngoni percaya.

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Matius 26:65

Pe dengar Yesus bilang bagitu, imam basar itu mara skali sampe dia robe dia pe juba kong bilang bagini, “Ce, orang ini so biking diri sama deng Tuhan Allah! Jadi, torang so tara perlu cari saksi lagi! Ngoni sandiri so dengar, to?

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Matius 9:35

Yesus bakuliling di samua kota deng kampong, kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Markus 8:32

Samua itu Yesus bilang turus tarang. Tapi Petrus hela pa Yesus pa dia pe pinggir kong togor, “Guru, jang bilang bagitu. Masa Guru menderita sampe mati.”

Lukas 21:37

Tiap hari, waktu so siang, Yesus pi mangajar di Ruma Ibada Pusat pe kompleks, deng tiap malam, Yesus kaluar dari kota Yerusalem itu, kong tidor di bukit yang pe nama Zaitun.

Lukas 4:15

Dia mangajar di ruma-ruma ibada agama Yahudi, kong samua orang hormati pa Dia.

Yohanes 18:21

Jadi bikiapa kong skarang bapa tanya pa Kita? Tanya suda pa orang-orang yang so dengar Kita pe ajaran. Dorang tau apa yang Kita so kase ajar itu.”

Yohanes 6:59

Yesus bilang samua ini di kota Kapernaum waktu Dia mangajar di ruma ibada agama Yahudi.

Yohanes 7:14

Dorang biking hari raya itu, dia pe lama satu minggu, kong nanti so dua tiga hari, baru Yesus maso di Ruma Ibada Pusat pe kompleks kong mulai mangajar di situ.

Yohanes 7:26

Coba lia, Dia bicara deng bebas di orang banya pe muka tapi tara ada satu orang yang barani togor pa Dia. Kaapa pemimpin-pemimpin so tau Dia itu butul-butul Mesias, Raja yang Tuhan Allah janji mo kase slamat pa manusia?

Yohanes 7:28

Waktu Yesus masi sementara mangajar di Ruma Ibada Pusat pe kompleks, Dia babilang deng suara kuat, “Memang ngoni kanal pa Kita deng ngoni tau Kita pe asal dari mana. Tapi Kita datang bukang karna Kita iko Kita pe mau sandiri. Kita datang karna Tuhan Allah yang utus pa Kita. Dia itu yang butul, kong ngoni tara kanal pa Dia.

Yohanes 7:4

Barang, kalu orang mo jadi terkenal, dia tara kase sambunyi apa yang dia biking. Jadi biking suda mujizat-mujizat di orang banya pe muka la orang-orang di dunia lia yang Ngana biking itu.”

Yohanes 8:2

Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:26

Sebenarnya masi banya lagi yang musti Kita bilang deng kase sala pa ngoni. Tapi Kita cuma mo bilang pa ngoni apa yang Kita dengar dari Dia yang so utus pa Kita. Yang Dia bilang itu butul, kong itu suda yang Kita kase tau pa orang-orang di dunia.”

Kisah Para Rasul 26:26

Raja Agripa sandiri tau samua yang kita bilang itu, jadi kita barani bicara tarang-tarang pa raja pe muka. Samua itu jadi di orang banya pe muka, jadi kita yakin tarada satu yang raja tara tau.