Yohanes 17:3 - Perjanjian Baru Bahasa Melayu Maluku Utara

³ Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 17:3 ပူးပေါင်းရင်းမြစ်များ

Markus 9:37

“Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng bukang cuma tarima pa Kita, tapi dia me so tarima pa Tuhan Allah yang utus pa Kita.”

Lukas 9:48

Turus, Dia bilang pa dorang, “Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng sapa yang tarima pa Kita, dia me tarima pa Tuhan Allah yang utus pa Kita. Karna sapa yang anggap dia pe diri biasa-biasa saja dari antara ngoni, dia itu suda yang Tuhan Allah anggap paling hebat.”

Yohanes 10:36

bikiapa kong ngoni bilang Kita so kase tara bae Tuhan Allah pe nama gara-gara Kita bilang Kita ini Anak Allah? Barang, Tuhan Allah sandiri yang so pili deng utus pa Kita untuk datang di dunia ini.

Yohanes 11:42

Kita tau, Bapa salalu dengar pa Kita, tapi karna banya orang di sini, jadi Kita bilang deng suara kuat, supaya dorang percaya Bapa yang so utus pa Kita.”

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 17:18

Bapa so utus pa Kita untuk datang pa orang-orang di dunia ini. Bagitu lagi, Kita so utus pa dorang pigi pa orang-orang yang ada di dunia ini.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.

Yohanes 17:23

Kita suka dorang itu jadi satu hati deng Kita, kong Bapa jadi satu deng Kita, supaya dorang itu butul-butul jadi satu hati satu deng yang laeng. Deng bagitu, orang-orang yang tara percaya pa Bapa di dunia ini bole tau, Bapa yang utus pa Kita kong Bapa itu sayang pa dorang, sama deng Bapa sayang pa Kita.

Yohanes 17:25

Ya Bapa yang adil, orang-orang yang ada di dunia ini tara kanal pa Bapa, tapi Kita kanal pa Bapa. Deng Kita pe murit-murit tau, Bapa itu yang utus pa Kita.

Yohanes 17:8

Barang, samua yang Bapa so bilang pa Kita, Kita so kase tau pa dorang, kong dorang percaya. Dorang butul-butul tau, Kita ini datang dari Bapa, kong dorang percaya, Bapa yang utus pa Kita.

Yohanes 3:17

Barang, Tuhan Allah utus pa Dia pe Anak datang di dunia ini bukang untuk hukum pa orang karna dorang pe dosa, tapi supaya kase slamat pa orang-orang di dunia ini.

Yohanes 3:34

Barang, Dia yang Tuhan Allah utus, Dia itu yang kase tau Tuhan Allah pe kata-kata, karna Tuhan Allah kase Dia pe Roh pa Dia tara abis-abis.

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Yohanes 6:57

Kita pe Bapa yang utus pa Kita, Dia itu yang kase hidup pa samua yang hidup, deng Dia lagi yang kase hidup pa Kita. Jadi, sapa saja yang makang Kita pe badan, dia mo dapa hidup deng Tuhan Allah slama-lamanya karna dia percaya pa Kita.

Yohanes 7:29

Kita kanal pa Dia, barang Kita datang dari Dia, kong Dia itu yang utus pa Kita.”

Yohanes 8:19

Kong dorang bilang pa Dia, “Di mana Guru pe Bapa kong?” Yesus jawab, “Ngoni tara kanal pa Kita, deng ngoni me tara kanal pa Kita pe Bapa. Kalu ngoni kanal pa Kita, pasti ngoni kanal lagi pa Kita pe Bapa.”

1 Korintus 15:34

Jadi, ngoni musti sadar butul-butul, kong jang biking dosa lagi. Karna ada dari ngoni yang bolong kanal pa Tuhan Allah. Kita bilang bagitu la ngoni jadi malu kong bertobat.

1 Korintus 8:4

Jadi tentang daging yang orang so biking persembahan untuk dorang pe puji-puji, torang orang percaya tau, torang bole makang itu, karna puji-puji yang ada di dunia ini tara arti apa-apa. Deng, torang lagi tau, cuma ada satu Tuhan saja, Dia itu Tuhan Allah.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

Filipi 3:10

Skarang, yang kita paling ingin itu, kita mo kanal butul-butul pa Yesus Kristus, deng mo rasa kuasa yang kase hidup ulang pa Dia waktu Dia mati. Kita so siap menderita deng mati karna kase tau Kabar Bae tentang Yesus Kristus, sama deng dulu Dia me perna menderita deng mati.

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

1 Tesalonika 1:9

Orang-orang itu sandiri bacarita, ngoni tarima bae-bae pa torang waktu torang bawa Kabar Bae pa ngoni. Dorang me carita bagimana sampe ngoni so kase tinggal ngoni pe puji-puji, kong so semba pa Tuhan Allah yang hidup deng yang butul,

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

2 Petrus 1:2

Kita minta pa Tuhan Allah supaya Dia kase Dia pe bae pa ngoni deng Dia salalu biking ngoni pe hati tetap tenang, kong Dia kase itu talebe-lebe karna ngoni so kanal pa Tuhan Allah deng pa Yesus Kristus, torang pe Tuhan.

2 Petrus 1:3

Tuhan Allah itu hebat deng hati bae, kong karna itu, Dia pangge pa torang untuk iko pa Dia la torang kanal pa Dia. Kong karna torang so kanal pa Dia, Dia pake Dia pe kuasa yang basar untuk kase pa torang samua yang torang perlu supaya torang bole hidup iko Dia pe mau.

2 Petrus 1:8

Kalu ngoni biking samua yang bae itu, kong ngoni tamba biking itu turus, itu ada guna untuk ngoni, karna itu akan bantu pa ngoni untuk lebe kanal pa Yesus Kristus, torang pe Tuhan.

1 Yohanes 1:2

Dia itu yang kase hidup pa manusia. Dari pertama Dia ada sama-sama deng Bapa di sorga. Dia so datang di dunia kong torang lia pa Dia. Jadi torang mo jadi Dia pe saksi la kase tau pa ngoni bagimana ngoni bole mo dapa hidup deng Tuhan Allah slama-lamanya.

1 Yohanes 1:3

Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

1 Yohanes 2:23

Barang, sapa yang manyangkal pa Anak Allah, dia tara hidup satu hati deng Tuhan Allah torang pe Bapa. Tapi sapa yang mangaku Yesus itu Anak Allah, itu dia me so hidup satu hati deng Tuhan Allah torang pe Bapa.

1 Yohanes 4:6

Torang ini dari Tuhan Allah. Jadi orang yang kanal pa Tuhan Allah, dia dengar pa torang. Tapi orang yang tara kanal pa Tuhan Allah, dia tara dengar pa torang. Dari situ torang dapa tau, orang yang ada Tuhan Allah pe Roh, dia bawa ajaran yang butul, deng orang yang tarada Tuhan Allah pe Roh, dia bawa ajaran yang tara butul.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.