Yohanes 17:25 - Perjanjian Baru Bahasa Melayu Maluku Utara

²⁵ Ya Bapa yang adil, orang-orang yang ada di dunia ini tara kanal pa Bapa, tapi Kita kanal pa Bapa. Deng Kita pe murit-murit tau, Bapa itu yang utus pa Kita.

Yohanes 17:25 ပူးပေါင်းရင်းမြစ်များ

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 16:16

Kong Simon Petrus jawab, “Guru itu suda Mesias, Raja yang Tuhan Allah janji mo kase slamat pa manusia. Guru itu Anak Allah yang hidup!”

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Yohanes 1:18

Tarada satu orang yang perna lia pa Tuhan Allah, tapi Anak Allah yang cuma satu itu yang jadi satu deng Tuhan Allah, Dia itu suda yang kase tunju deng jelas pa torang sapa itu Tuhan Allah.

Yohanes 10:15

Itu sama deng Bapa kanal pa Kita deng Kita lagi kanal pa Bapa. Kong Kita siap mati asal Kita pe domba-domba itu bole hidup.

Yohanes 15:21

Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Yohanes 16:27

karna Bapa sandiri sayang pa ngoni, barang ngoni lagi sayang pa Kita deng percaya Kita ini yang Dia utus.

Yohanes 16:3

Dorang mo biking bagitu pa ngoni karna dorang tara kanal butul pa Kita pe Bapa deng dorang lagi tara kanal pa Kita.

Yohanes 16:30

Skarang torang tau, Guru tau samua hal, kong orang so tara perlu mo tanya-tanya lagi pa Guru. Karna itu torang so percaya, Guru itu dari Tuhan Allah.”

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

Yohanes 17:18

Bapa so utus pa Kita untuk datang pa orang-orang di dunia ini. Bagitu lagi, Kita so utus pa dorang pigi pa orang-orang yang ada di dunia ini.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.

Yohanes 17:23

Kita suka dorang itu jadi satu hati deng Kita, kong Bapa jadi satu deng Kita, supaya dorang itu butul-butul jadi satu hati satu deng yang laeng. Deng bagitu, orang-orang yang tara percaya pa Bapa di dunia ini bole tau, Bapa yang utus pa Kita kong Bapa itu sayang pa dorang, sama deng Bapa sayang pa Kita.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 17:8

Barang, samua yang Bapa so bilang pa Kita, Kita so kase tau pa dorang, kong dorang percaya. Dorang butul-butul tau, Kita ini datang dari Bapa, kong dorang percaya, Bapa yang utus pa Kita.

Yohanes 3:17

Barang, Tuhan Allah utus pa Dia pe Anak datang di dunia ini bukang untuk hukum pa orang karna dorang pe dosa, tapi supaya kase slamat pa orang-orang di dunia ini.

Yohanes 6:19

Waktu dorang so bapanggayung kira-kira lima atau anam kilo, dong lia Yesus bajalang di atas aer badekat di parau. Tapi waktu dorang lia pa Dia, dong bolong tau Dia itu Yesus, kong dorang jadi tako skali.

Yohanes 7:29

Kita kanal pa Dia, barang Kita datang dari Dia, kong Dia itu yang utus pa Kita.”

Yohanes 8:19

Kong dorang bilang pa Dia, “Di mana Guru pe Bapa kong?” Yesus jawab, “Ngoni tara kanal pa Kita, deng ngoni me tara kanal pa Kita pe Bapa. Kalu ngoni kanal pa Kita, pasti ngoni kanal lagi pa Kita pe Bapa.”

Yohanes 8:55

Tapi sebenarnya ngoni tara kanal pa Dia. Kita ini yang kanal pa Dia. Kalu Kita bilang Kita tara kanal pa Dia, Kita ini pangbafoya sama deng ngoni. Tapi yang sebenarnya, Kita kanal pa Dia, deng Kita jaga iko apa yang Dia bilang.

Kisah Para Rasul 17:23

Karna waktu kita bakuliling di ngoni pe kota, kita perhatikan di ngoni pe tampa-tampa semba itu, kita lia ada satu tampa semba yang ada tulisan bagini ‘Tampa semba ini untuk Tuhan Allah yang torang tara kanal’. Jadi Tuhan Allah yang ngoni jaga semba tapi ngoni tara kanal itu, Dia itu suda Tuhan Allah yang kita mo kase kanal pa ngoni skarang.

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Roma 1:28

Deng karna dorang rasa dong tara perlu tau tentang Tuhan Allah, jadi Tuhan Allah kase biar dorang pe pikiran yang tara guna itu kuasai pa dorang. Dia pe ahir kabawa, dorang biking barang yang tara pantas dong biking.

Roma 3:11

Tarada satu orang yang tau apa yang butul, deng tarada satu orang yang cari pa Tuhan Allah.

Roma 3:26

Kong skarang karna Yesus mati untuk torang, torang dapa tau Tuhan Allah adil, deng torang lagi tau, Dia biking orang berdosa yang percaya pa Yesus jadi orang yang so tara sala lagi pa Tuhan Allah pe muka.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

1 Korintus 15:34

Jadi, ngoni musti sadar butul-butul, kong jang biking dosa lagi. Karna ada dari ngoni yang bolong kanal pa Tuhan Allah. Kita bilang bagitu la ngoni jadi malu kong bertobat.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Ibrani 8:11

Kong dorang so tara akan baku kase ajar lagi pa dorang pe tamang yang satu bangsa atau dorang pe sudara untuk kanal pa Kita, barang dorang samua akan kanal pa Kita, mulai dari orang yang tara penting sampe orang yang penting.

1 Yohanes 1:9

Kalu torang mangaku torang pe dosa pa Tuhan Allah, Dia mo kase ampun pa torang deng Dia mo kase bersi pa torang dari samua yang jahat yang torang so biking. Dia kase ampun torang pe dosa, itu karna Dia adil deng Dia pasti mo biking samua yang Dia so janji.

Wahyu 13:8

Kong samua orang yang tinggal di bumi mo semba pa binatang itu. Orang-orang yang semba itu, dorang yang pe nama tara tatulis di Anak Domba pe buku kehidupan waktu dunia ini bolong jadi. Buku kehidupan itu, Anak Domba yang so perna dapa bunu pe buku. Di buku itu, Tuhan Allah tulis orang-orang pe nama yang mo dapa hidup deng Tuhan Allah slama-lamanya.

Wahyu 16:5

Kong kita dengar malaekat yang berkuasa di samua aer itu bilang bagini, “Tuhan, Tuhan Allah yang Kudus, yang so ada dari dulu sampe skarang. Tuhan Allah itu adil, karna Tuhan Allah pe hukuman itu butul, iko deng dong pe sala.