Yohanes 17:24 - Perjanjian Baru Bahasa Melayu Maluku Utara

²⁴ Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Yohanes 17:24 ပူးပေါင်းရင်းမြစ်များ

Matius 25:21

Kong dia pe tuang bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Ngana so setia deng hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 25:23

Kong dia pe tuang itu bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Barang, ngana setia di hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 26:29

Dengar bae-bae yang Kita bilang pa ngoni e, dari sini ka sana, Kita so tara akan minum anggur lagi. Tapi nanti waktu Tuhan Allah so Berkuasa sebagai Raja pa Dia pe umat, baru Kita minum lagi anggur yang baru sama-sama deng ngoni.”

Lukas 12:37

Orang-orang karja itu paling sanang skali karna waktu dorang pe tuang pulang, dong pe tuang dapa riki dorang masi bajaga tunggu pa dia. Kita mo bilang pa ngoni: dorang itu paling sanang skali karna dong pe tuang akan pake baju karja kong siap-siap layani pa dorang. Turus dia mo suru dia pe orang-orang karja itu dudu la makang, kong nanti dia sandiri yang mo layani pa dorang.

Lukas 23:43

Kong Yesus bilang pa dia, “Kita bilang pa ngana, hari ini suda ngana akan ada sama-sama deng Kita di Firdaus.”

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 14:3

Kalu Kita so ka sana kong so kase siap tampa itu, Kita akan bale ulang kamari untuk bawa pa ngoni ka sana, supaya di mana Kita ada, di situ lagi ngoni ada.

Yohanes 15:9

Yesus bilang lagi, “Kita sayang pa ngoni, sama deng Kita pe Bapa sayang pa Kita. Jadi, ngoni hidup satu hati turus suda deng Kita, supaya ngoni bole rasa Kita pe sayang itu.

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Yohanes 17:22

Bapa so kase Bapa pe kuasa yang luar biasa pa Kita, bagitu lagi Kita so kase Bapa pe kuasa yang luar biasa pa dorang, supaya dorang bole jadi satu hati satu deng yang laeng sama deng Bapa deng Kita yang so satu.

Yohanes 17:5

Jadi skarang, Bapa, Kita minta Bapa biking Kita dapa lia luar biasa pa Bapa pe muka, sama deng dulu waktu Kita masi sama-sama deng Bapa waktu dunia ini bolong ada.”

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Yohanes 8:58

Yesus jawab, “Dengar bae-bae yang Kita bilang pa ngoni ini. Waktu Abraham bolong lahir, Kita ini so kamuka ada.”

1 Korintus 13:12

Conto itu pe arti, skarang torang bolong mangarti samua tentang Tuhan Allah, itu sama deng torang ada lia torang pe diri di kaca yang kabur. Tapi nanti kalu torang deng Tuhan Allah so baku lia muka deng muka, torang akan tau samua tentang Dia deng jelas. Skarang torang bolong tau deng sempurna tentang Tuhan Allah, jadi Dia masi kase karunia dari Dia pe Roh, tapi nanti di sorga torang mo tau itu deng sempurna, jadi Tuhan Allah tara perlu kase karunia lagi pa torang, sama deng Dia yang kanal pa tong deng sempurna.

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

2 Korintus 5:8

Jadi torang pe hati tetap kuat, kong torang lebe suka kase tinggal tong pe badan di dunia ini, la tinggal deng Tuhan di sorga.

Filipi 1:23

Kita ini sama deng ada mangada dua pilihan. Kita suka mo kase tinggal dunia ini supaya bisa tinggal sama-sama deng Yesus Kristus di sorga, karna itu memang yang paling bae.

1 Tesalonika 4:17

Abis itu, torang yang masi hidup, Tuhan Allah mo angka di awan-awan sama-sama deng orang-orang yang so hidup ulang la baku dapa deng Tuhan Yesus. Kong torang samua mo tinggal sama-sama deng Tuhan Yesus slama-lamanya.

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

Wahyu 21:22

Tapi kita tara lia ruma ibada di dalam kota itu. Barang, ruma ibada itu, itu Tuhan Allah suda, Tuhan Allah Yang Paling Berkuasa, deng itu lagi Anak Domba.

Wahyu 3:21

Sapa yang menang dari pengaru jahat, Kita mo kase dudu dia pa Kita pe pinggir sama-sama deng Kita di kursi raja. Barang, orang itu so menang sama deng Kita yang so menang dari setang-setang pe pengaru, kong Kita dudu baku pinggir sama-sama deng Kita pe Bapa di Dia pe kursi raja.