Yohanes 17:14 - Perjanjian Baru Bahasa Melayu Maluku Utara

¹⁴ Kita so kase tau Bapa pe firman pa dorang yang iko pa Kita. Kong orang-orang di dunia ini yang tara percaya pa Bapa binci pa dorang, barang dorang yang iko pa Kita tara sama deng orang-orang yang tara percaya pa Bapa. Itu sama deng Kita lagi tara sama deng orang-orang yang tara percaya pa Bapa.

Yohanes 17:14 ပူးပေါင်းရင်းမြစ်များ

Markus 10:39

Kong dorang jawab, “Torang bisa!” Turus Yesus bilang pa dorang, “Memang ngoni nanti menderita deng sengsara sampe mati sama deng Kita.

Yohanes 17:16

Dorang itu tara sama deng orang-orang yang tara percaya, sama deng Kita lagi tara sama deng orang-orang yang tara percaya itu.

Yohanes 17:8

Barang, samua yang Bapa so bilang pa Kita, Kita so kase tau pa dorang, kong dorang percaya. Dorang butul-butul tau, Kita ini datang dari Bapa, kong dorang percaya, Bapa yang utus pa Kita.

Yohanes 7:7

Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Yohanes 8:23

Kong Yesus bilang pa dorang, “Ngoni ini orang-orang yang pe asal dari dunia ini, tapi Kita pe asal dari sorga. Ngoni cuma tau orang-orang di dunia pe pikiran, tapi Kita lebe dari itu.

1 Yohanes 3:12

Jang ngoni sama deng Kain. Iblis so kuasai pa dia jadi dia bunu dia pe ade sandiri. Kain bunu pa dia pe ade karna Kain itu jahat, deng karna samua yang dia pe ade biking, Tuhan Allah lia itu butul.

1 Yohanes 3:13

Sudara-sudara, jang ngoni herang kalu orang-orang yang tara percaya binci pa ngoni.