Yohanes 16:13 - Perjanjian Baru Bahasa Melayu Maluku Utara

¹³ Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Yohanes 16:13 ပူးပေါင်းရင်းမြစ်များ

Yohanes 12:49

Barang, Kita pe ajaran bukang dari Kita pe diri sandiri, tapi dari Bapa yang utus pa Kita. Dia itu yang ada parenta pa Kita untuk bilang apa yang musti Kita mo bilang deng kase tau.

Yohanes 14:17

Penolong itu Tuhan Allah pe Roh, yang mo kase ajar pa ngoni apa yang butul tentang Tuhan Allah. Orang-orang yang tara percaya pa Tuhan Allah, tara bisa tarima Tuhan Allah pe Roh itu, barang dorang tara dapa lia pa Dia deng tara kanal pa Dia. Tapi ngoni ini kanal pa Dia karna Dia ada sama-sama deng ngoni kong akan jadi satu deng ngoni.

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 16:12

Masi banya lagi yang Kita mo bilang pa ngoni, tapi skarang ngoni bolong mampo mangarti.

Yohanes 3:32

Dia kase tau tentang apa yang Dia ada lia deng yang Dia ada dengar, tapi tara ada orang yang percaya deng apa yang Dia kase tau itu.

Yohanes 8:38

Yang Kita ajar pa ngoni itu, apa yang Kita lia dari Kita pe Bapa. Tapi ngoni, ngoni iko apa yang ngoni dengar dari ngoni pe papa.”

Kisah Para Rasul 11:28

Satu dari dorang itu, dia pe nama Agabus. Waktu orang-orang percaya bakumpul, Roh Kudus kuasai pa Agabus, turus dia badiri kong bilang, “Nanti ada musim kelaparan yang hebat skali di samua tampa di dunia ini.” (Kong kelaparan itu memang jadi waktu Klaudius jadi raja basar Roma, sama deng Agabus bilang.)

Kisah Para Rasul 20:23

Tapi yang kita tau, di tiap-tiap kota yang kita so sampe, Roh Kudus salalu kase tau pa kita, kita mo dapa siksa deng mo dapa kase maso di penjara di Yerusalem.

Kisah Para Rasul 27:24

Malaekat itu bilang pa kita bagini, ‘Paulus, jang ngana tako! Ngana pasti akan mangada pa raja basar Roma la dia urus ngana pe perkara. Deng karna Tuhan Allah pe bae pa ngana, Dia me mo kase slamat pa samua orang yang ada di kapal ini.’

2 Tesalonika 2:12

Tuhan Allah biking bagitu, supaya samua orang yang suka biking barang yang jahat, deng yang tara percaya ajaran yang butul tentang Tuhan Yesus, akan dapa hukum.

2 Tesalonika 2:3

Jang kase biar sampe orang kase foya pa ngoni deng cara apa saja! Barang, sebelum Tuhan Yesus datang ulang, ini yang musti mo jadi kamuka: banya skali orang akan malawang pa Tuhan, deng orang yang paling jahat akan datang. Orang yang paling jahat itu yang nanti waktu kiamat, mo tapisa deng Tuhan Allah slama-lamanya.

Ibrani 1:1

Dulu, Tuhan Allah banya kali bicara pa Dia pe nabi-nabi pake macam-macam cara la dorang kase turus Dia pe pasáng pa torang orang Israel pe orang tua dulu-dulu.

1 Yohanes 2:20

Tapi ngoni, Tuhan Allah so kase Roh Kudus untuk kuasai pa ngoni, deng karna itu, ngoni samua so tau ajaran yang butul.

1 Yohanes 2:27

Tapi untuk ngoni sandiri, Tuhan Allah so kase Roh Kudus untuk kuasai pa ngoni. Roh itu masi tetap ada pa ngoni, jadi ngoni so tara perlu lagi orang laeng ajar. Roh Kudus itu so ajar pa ngoni tentang samua hal. Apa yang Dia kase ajar itu butul deng tara foya. Kong karna ngoni so tarima ajaran itu dari Dia, ngoni musti tetap hidup satu hati deng Yesus Kristus.

1 Yohanes 4:6

Torang ini dari Tuhan Allah. Jadi orang yang kanal pa Tuhan Allah, dia dengar pa torang. Tapi orang yang tara kanal pa Tuhan Allah, dia tara dengar pa torang. Dari situ torang dapa tau, orang yang ada Tuhan Allah pe Roh, dia bawa ajaran yang butul, deng orang yang tarada Tuhan Allah pe Roh, dia bawa ajaran yang tara butul.

1 Yohanes 5:6

Yesus Kristus itu suda yang Tuhan Allah utus untuk datang di dunia ini. Dia dapa baptis, kong Dia lagi dapa salib sampe Dia pe dara tatumpa. Yesus bukang cuma dapa baptis saja, tapi dapa salib lagi supaya jadi jelas Dia itu dari Tuhan Allah, kong Tuhan Allah pe Roh bilang samua itu butul, barang Roh itu tara perna bafoya.

Wahyu 1:1

Kitab ini pe isi tentang apa yang Tuhan Allah kase tunju pa Yesus Kristus, turus Yesus Kristus kase tunju pa orang-orang yang jaga biking apa yang Dia suru supaya dorang bole tau apa yang so tara lama lagi mo jadi. Kong Yesus Kristus suru Dia pe malaekat kase tunju itu samua pa kita.

Wahyu 1:19

Karna itu Yohanes, tulis suda samua yang Kita kase tunju pa ngana, yang ngana so lia skarang ini deng yang akan ngana mo lia nanti.