Yohanes 15:2 - Perjanjian Baru Bahasa Melayu Maluku Utara

² Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Yohanes 15:2 ပူးပေါင်းရင်းမြစ်များ

Matius 13:12

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.

Matius 13:33

Yesus carita lagi umpama laeng pa dorang bagini, “Tuhan Allah Berkuasa sebagai Raja pa Dia pe umat, mulai pa sadiki orang, kong lebe hari lebe tamba banya. Itu sama lagi deng ragi yang parampuang satu ambe kong campur deng tarigu ampa pulu liter. Ragi itu biking sampe roti itu nae jadi banya.”

Matius 15:13

Tapi Yesus bilang pa dorang bagini, “Orang-orang yang ajar ajaran yang tara iko Kita pe Bapa yang di sorga pe mau, itu bole kase sama deng samua tanaman yang Dia tara tanam kong batumbu sandiri, kong tanaman-tanaman itu akan dapa cabu sampe pa dia pe akar-akar.

Matius 21:19

Kong Dia lia ada pohong ara di pinggir jalang. Dia badekat ka sana di pohong itu la mo cari dia pe bua, tapi Dia tara dapa apa-apa di situ, cuma dia pe daong-daong saja. Jadi Dia bilang di pohong itu, “Ngana so tara akan babua lagi sampe slama-lamanya!” Waktu itu suda, pohong ara itu langsung kiring.

Matius 25:29

Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia so tau, Tuhan Allah akan ambe dari dia.

Matius 3:10

Tuhan Allah so siap mo hukum pa samua orang yang tara iko Dia pe mau. Itu sama deng satu orang yang so siap-siap deng tamako mo potong pohong yang tara babua bagus, turus buang pohong itu di api.

Matius 3:12

Dia mo kase pisa pa orang yang iko pa Dia deng pa orang yang tara iko pa Dia. Itu sama deng orang batapis gandum untuk kase pisa dari konga. Gandum yang bagus dia simpang di lumbung, tapi konga dia buang di api yang tara mati-mati.”

Matius 7:19

Kong tiap pohong yang babua tara bagus, pasti orang mo potong kong bakar.

Markus 4:20

Kong bibit yang jatu di tana yang subur, itu sama deng orang-orang yang dengar firman kong tarima deng percaya. Dorang ini orang yang hidup iko Tuhan pe mau, sama deng bibit yang batumbu sampe babua. Ada yang babua tiga pulu kali lipa, ada yang anam pulu kali lipa, deng ada lagi yang saratus kali lipa.”

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Yohanes 15:1

Yesus bilang pa Dia pe murit-murit umpama satu bagini, “Kita ini bole kase sama deng pohong anggur yang butul, kong Kita pe Bapa sama deng orang yang punya kobong anggur itu.

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 15:3

Ngoni yang percaya pa Kita ini memang so bersi karna ngoni so percaya Kita pe kata-kata.

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Yohanes 15:8

Kalu ngoni jaga biking yang bae sama deng cabang yang babua banya, itu kase tunju ngoni ini butul-butul Kita pe murit-murit, turus deng orang-orang lia ngoni pe cara hidup yang bae itu, dorang mo puji deng hormat pa Kita pe Bapa.”

Yohanes 17:12

Selama Kita ada deng dorang, Kita jaga pa dorang pake kuasa yang Bapa so kase pa Kita. Kita jaga pa dorang supaya tarada dari dorang yang tapisa deng Bapa, kacuali satu orang, Dia itu memang musti bagitu, supaya apa yang so tatulis dulu di Kitab Suci itu mo jadi.

Roma 11:17

Tapi orang Yahudi yang tara percaya pa Yesus Kristus, dorang itu sama deng cabang-cabang yang dapa potong dari pohong zaitun yang ada tanam di kobong. Kong orang yang bukang Yahudi, kalu dorang percaya pa Yesus Kristus, dong itu sama deng cabang-cabang dari pohong zaitun yang batumbu sandiri kong tuang kobong datang potong cabang-cabang itu turus kase malakat di pohong zaitun yang ada tanam di kobong itu. Deng bagitu, cabang dari pohong yang batumbu sandiri dapa hidup dari pohong yang ada tanam di kobong itu. Cabang itu sama deng ngoni orang yang bukang Yahudi, ngoni ini yang so percaya, jadi ngoni so tarima Tuhan Allah pe janji yang dulu Dia so kase pa orang Yahudi.

Roma 11:22

Dari samua yang kita so bilang tadi, torang bole tau, Tuhan Allah itu bae, deng Dia lagi tegas kalu kase hukuman. Dia mo hukum pa orang Yahudi yang tara percaya pa Dia, tapi Dia kase Dia pe bae pa ngoni orang bukang Yahudi, asal ngoni tetap percaya pa Dia. Kalu tarada, Tuhan Allah mo buang lagi pa ngoni sama deng cabang yang so potong dari dia pe pohong yang ada tanam di kobong.

Roma 8:28

Torang tau ini: sapa saja yang sayang pa Tuhan Allah deng so dapa pangge la iko Dia pe mau, apa saja yang jadi pa dorang, mo bae ka, tara bae ka, torang tau, Tuhan Allah mo biking samua itu untuk dorang pe bae.

1 Korintus 13:1

Biar lagi Roh Kudus kase pa kita karunia sampe kita bisa bicara deng macam-macam bahasa yang manusia jaga pake, deng bahasa yang malaekat jaga pake lagi, tapi kalu kita tara sayang pa orang laeng, yang kita bicara itu tarada dia pe guna. Itu kita cuma baribut, sama deng orang yang pake gong deng ceker kong kase babunyi sabarang-sabarang.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.

Wahyu 3:19

Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.