Yohanes 15:18 - Perjanjian Baru Bahasa Melayu Maluku Utara

¹⁸ Yesus bilang lagi, “Kalu orang-orang di dunia ini yang tara percaya pa Kita binci pa ngoni, ngoni musti inga e, dorang so kamuka binci pa Kita.

Yohanes 15:18 ပူးပေါင်းရင်းမြစ်များ

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 24:9

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita.

Matius 5:11

Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama.

Markus 13:13

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.”

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Yohanes 16:1

Yesus bilang lagi pa Dia pe murit-murit, “Kita bilang samua itu pa ngoni, supaya ngoni tara berenti percaya pa Kita.

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Yohanes 7:7

Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:13

Sudara-sudara, jang ngoni herang kalu orang-orang yang tara percaya binci pa ngoni.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.