Yohanes 15:13 - Perjanjian Baru Bahasa Melayu Maluku Utara

¹³ Sayang yang paling basar itu, kalu orang siap mati untuk dia pe tamang-tamang supaya dia pe tamang-tamang bole hidup.

Yohanes 15:13 ပူးပေါင်းရင်းမြစ်များ

Lukas 12:4

Yesus bilang lagi, “Ngoni, Kita pe tamang, dengar bae-bae yang Kita bilang ini, jang ngoni tako pa manusia. Karna manusia cuma mampo bunu ngoni pe badan, tapi dorang tara bisa pele ngoni pigi di sorga.

Yohanes 10:11

Kita ini bole kase sama deng gembala yang bae yang jaga bae-bae dia pe domba. Gembala yang bae siap mati asal dia pe domba-domba bole slamat.

Yohanes 10:15

Itu sama deng Bapa kanal pa Kita deng Kita lagi kanal pa Bapa. Kong Kita siap mati asal Kita pe domba-domba itu bole hidup.

Yohanes 17:19

Bapa, Kita serakan Kita pe hidup pa Bapa. Kita biking bagitu untuk Kita pe orang-orang yang iko pa Kita, supaya dorang lagi mo serakan dorang pe hidup pa Bapa iko ajaran yang butul itu.”

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

1 Yohanes 3:16

Torang tau sayang yang butul-butul itu sama deng Yesus Kristus pe sayang. Dia so kase Dia pe diri sampe mati untuk torang supaya torang dapa slamat. Jadi torang me musti siap kase tong pe diri sampe mati untuk torang pe sudara-sudara yang percaya.