Yohanes 15:11 - Perjanjian Baru Bahasa Melayu Maluku Utara

¹¹ Kita bilang samua itu pa ngoni, supaya sanang yang ada pa Kita, ngoni lagi bole rasa, deng bagitu ngoni pe hati mo sanang luar biasa.

Yohanes 15:11 ပူးပေါင်းရင်းမြစ်များ

Lukas 15:23

Abis itu, potong sapi paranggang satu yang bagumu kong momasa. Mari torang makang sama-sama, deng abis itu, baronggeng.

Lukas 15:32

Ngana pe ade sama deng orang yang so mati tapi so hidup ulang. Dia so ilang, tapi skarang torang so dapa ulang. Jadi skarang, pantas torang biking acara deng hati sanang.’ ”

Lukas 15:5

Bagitu dia dapa domba satu yang ilang itu, dia sanang skali. Jadi dia ambe kong dia sompong, turus dia bawa pulang.

Lukas 15:9

Kalu dia so dapa dia pe doi itu, dia pangge dia pe tamang-tamang deng dia pe birman-birman turus bilang pa dorang bagini, ‘Kita pe doi yang ilang kita so dapa ulang, jadi mari basanang-sanang deng kita!’

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 17:13

Bapa, skarang Kita mo pigi pa Bapa. Kita berdoa samua ini untuk orang-orang yang iko pa Kita waktu Kita masi ada di dunia ini, supaya sanang yang Kita rasa, dorang lagi bole rasa.

Yohanes 3:29

Skarang Dia so ada, jadi kita sanang skali. Dia itu sama deng pengantin laki-laki, kong kita ini sama deng Dia pe tamang. Pengantin laki-laki itu yang penting, karna pengantin parampuang itu dia punya. Tapi pengantin laki-laki pe tamang tara penting, dia cuma badiri dekat pa dia kong badengar pa dia. Dia sanang skali dengar pengantin laki-laki pe suara. Bagitu lagi deng kita, kita sanang skali dengar lebe banya orang ada iko pa Dia.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

2 Korintus 1:24

Torang tara mo parenta pa ngoni tentang apa yang ngoni musti percaya, karna ngoni pe percaya pa Yesus Kristus so kuat. Tapi torang pe tujuan untuk bantu pa ngoni supaya deng ngoni iko pa Yesus Kristus, ngoni pe hati bole sanang.

Efesus 5:18

Jang ngoni bamabo, karna itu yang biking ngoni tara bisa kuasai ngoni pe diri, sampe ngoni biking banya macam barang yang tara bae. Tapi lebe bae ngoni kase ngoni pe diri untuk Roh Kudus kuasai.

Filipi 1:25

Kita tau ngoni masi perlu pa kita untuk bantu pa ngoni, jadi kita yakin kita akan tetap tinggal deng ngoni samua supaya kita bole mo bantu kase kuat ngoni pe percaya, deng lagi supaya ngoni pe hati bole tamba sanang karna ngoni pe percaya itu.

1 Tesalonika 5:16

Ngoni pe hati musti sanang turus.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

1 Yohanes 1:4

Samua ini torang tulis untuk ngoni supaya torang samua pe hati tatamba sanang.

2 Yohanes 1:12

Memang masi banya yang kita mo bilang pa ngoni, tapi lebe bae jang lewat surat. Kita harap bisa baku dapa deng ngoni la bisa bicara langsung deng ngoni, supaya torang pe hati butul-butul sanang.