Yohanes 15:10 - Perjanjian Baru Bahasa Melayu Maluku Utara

¹⁰ Kalu ngoni biking Kita pe parenta, ngoni mo rasa turus Kita pe sayang, sama deng Kita biking Kita pe Bapa pe parenta, kong Kita bole rasa turus Dia pe sayang.

Yohanes 15:10 ပူးပေါင်းရင်းမြစ်များ

Yohanes 10:18

Tarada orang yang bole ambe Kita pe hidup dari Kita, tapi Kita mo kase Kita pe hidup, iko Kita pe mau sandiri. Kita ada kuasa mo kase Kita pe diri untuk mati, deng Kita lagi ada kuasa mo ambe itu ulang. Barang samua parenta itu Kita so tarima dari Kita pe Bapa.”

Yohanes 12:49

Barang, Kita pe ajaran bukang dari Kita pe diri sandiri, tapi dari Bapa yang utus pa Kita. Dia itu yang ada parenta pa Kita untuk bilang apa yang musti Kita mo bilang deng kase tau.

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 14:21

Sapa saja yang tarima Kita pe parenta kong biking, dia itu yang sayang pa Kita. Kong sapa yang sayang pa Kita, Kita pe Bapa lagi akan sayang pa dia, deng Kita me mo sayang pa dia kong Kita mo kase tunju Kita pe diri pa dia.”

Yohanes 14:23

Yesus jawab pa dia, “Kalu orang sayang pa Kita, dia mo biking Kita pe ajaran, kong Kita pe Bapa akan sayang pa dia. Kong Kita deng Kita pe Bapa mo datang tinggal sama-sama deng dia.

Yohanes 14:31

Tapi Kita mo biking apa yang Kita pe Bapa ada parenta pa Kita supaya samua orang di dunia ini bole tau, Kita ini sayang pa Kita pe Bapa. Skarang, badiri suda, kong mari torang pigi dari sini.”

Yohanes 17:4

Bapa, Kita so kase selesai samua karja yang Bapa suru Kita biking di dunia ini. Kong deng apa yang Kita biking itu, orang-orang dapa lia Bapa pe kuasa yang luar biasa.

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 8:29

Kong Dia yang so utus pa Kita, ada sama-sama deng Kita. Dia tara perna kase biar Kita sandiri, karna Kita salalu biking Dia pe hati sanang.”

Yohanes 8:55

Tapi sebenarnya ngoni tara kanal pa Dia. Kita ini yang kanal pa Dia. Kalu Kita bilang Kita tara kanal pa Dia, Kita ini pangbafoya sama deng ngoni. Tapi yang sebenarnya, Kita kanal pa Dia, deng Kita jaga iko apa yang Dia bilang.

1 Korintus 7:19

Karna orang yang sunat deng tara sunat itu tara penting. Yang penting itu iko Tuhan Allah pe parenta-parenta.

1 Tesalonika 4:1

Sudara-sudara, torang so kase ajar pa ngoni cara hidup untuk biking sanang Tuhan Allah pe hati, kong ngoni so hidup sama deng itu. Tapi skarang karna torang samua so satu hati deng Tuhan Yesus, torang minta supaya ngoni lebe tamba berusaha biking sanang Tuhan Allah pe hati.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

2 Petrus 2:21

Jadi lebe bae dorang tara perna tau ajaran tentang bagimana dorang bole jadi orang yang tara sala pa Tuhan Allah pe muka, daripada dorang so tau kong tara mau iko lagi parenta yang kudus yang orang so kase tau pa dorang.

1 Yohanes 2:3

Kalu torang iko Tuhan Allah pe parenta-parenta, itu kase tunju torang butul-butul kanal pa Tuhan Allah.

1 Yohanes 2:5

Tapi sapa saja yang biking Tuhan Allah pe parenta-parenta, pa dia itu ada Tuhan Allah pe sayang yang biking dia bole sayang pa orang deng sempurna. Itu yang biking torang tau, torang hidup satu hati deng Tuhan Allah.

1 Yohanes 2:6

Jadi sapa saja yang bilang dia hidup satu hati deng Tuhan Allah, dia musti hidup sama deng Yesus Kristus pe cara hidup.

1 Yohanes 5:3

Kalu torang sayang pa Tuhan Allah, torang iko Dia pe parenta-parenta. Kong Dia pe parenta-parenta itu tara susa untuk torang biking.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.