Yohanes 14:2 - Perjanjian Baru Bahasa Melayu Maluku Utara

² Pa Kita pe Bapa pe ruma ada banya tampa, kong Kita pigi ka sana untuk kase siap ngoni pe tampa itu. Kita kase tau itu pa ngoni, karna memang ngoni pe tampa itu ada di sana.

Yohanes 14:2 ပူးပေါင်းရင်းမြစ်များ

Lukas 14:22

Abis dengar parenta itu, orang karja itu pigi biking sama deng yang dia pe tuang suru. Waktu pulang, dia bilang pa dia pe tuang, ‘Bapa, samua yang bapa parenta, kita so biking. Tapi masi ada tampa dudu yang kosong.’

Yohanes 13:33

Ee, Kita pe ana-ana, so tara lama lagi Kita so tara sama-sama deng ngoni. Ngoni ini mo cari pa Kita, tapi sama deng tempo hari Kita so bilang pa pemimpin-pemimpin agama Yahudi, Kita bilang itu lagi pa ngoni, ‘Di tampa yang Kita mo pigi, ngoni tara akan bisa mo pigi di situ.’

Yohanes 13:36

Simon Petrus bilang pa Yesus, “Tuhan, Tuhan mo pigi ka mana kong?” Yesus jawab pa dia, “Kita mo pigi di tampa yang skarang ini ngana bolong bole iko. Tapi nanti baru ngana mo iko pa Kita ka sana.”

Yohanes 14:28

Ngoni so dengar Kita ada bilang pa ngoni bagini: Kita mo pigi, tapi Kita mo datang ulang pa ngoni. Jadi kalu ngoni sayang pa Kita, pasti ngoni pe hati sanang skali, karna Kita pigi pa Kita pe Bapa. Barang, Kita pe Bapa itu lebe hebat dari Kita.

Yohanes 16:4

Kita kase tau samua itu mo jadi pa ngoni, supaya nanti kalu dorang siksa pa ngoni, ngoni mo inga Kita so perna kase tau itu pa ngoni. Kita tara bilang itu dari pertama waktu ngoni baru jadi Kita pe murit, barang Kita masi ada sama-sama deng ngoni.”

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

2 Korintus 5:1

Torang pe badan di dunia ini sama deng ruma yang tong tinggal tara lama. Jadi torang tau, waktu torang orang percaya mati, itu sama deng tong pe tampa tinggal itu ancor, kong Tuhan Allah nanti kase pa torang tampa tinggal yang baru supaya bole tinggal di sorga. Tampa tinggal itu bukang ruma yang manusia biking, tapi badan yang baru, yang hidup deng Tuhan Allah slama-lamanya.

1 Tesalonika 5:9

Barang, Tuhan Allah pili pa torang jadi Dia pe umat. Dia tara pili pa torang supaya Dia hukum pa torang, tapi supaya torang dapa slamat karna torang percaya pa Yesus Kristus, torang pe Tuhan.

Titus 1:2

Kita ajar pa orang-orang yang percaya itu, supaya dorang bole baharap deng yakin, dorang bole dapa hidup deng Tuhan Allah slama-lamanya, sama deng Tuhan Allah so janji. Karna waktu Tuhan Allah bolong biking dunia ini, Dia so janji kamuka, Dia mo kase hidup slama-lamanya pa orang-orang yang percaya pa Dia. Dia pe janji itu pasti jadi, karna Tuhan Allah tara perna bafoya.

Ibrani 11:10

Abraham bole batahang hidup sebagai pendatang, karna dia ada tunggu-tunggu deng yakin mo tinggal di kota yang baru di sorga yang Tuhan Allah biking iko Dia pe rencana sandiri. Kota itu pe fandasi kuat skali.

Ibrani 13:14

Barang, di dunia ini torang tara punya tampa tinggal yang tetap untuk torang tinggal slama-lamanya, tapi torang tunggu-tunggu deng rindu mo dapa tampa tinggal yang tetap untuk torang tinggal nanti di sorga.

Ibrani 6:20

Jadi torang tara usa tako lagi mo datang pa Tuhan Allah, karna Yesus Kristus yang so kamuka maso di situ la bicara pa Tuhan Allah untuk torang. Dia jadi torang pe Imam Basar untuk slama-lamanya, sama deng Melkisedek dulu yang jadi imam basar.

Ibrani 9:8

Kong deng aturan-aturan itu, Roh Kudus biking tong mangarti, bolong ada jalang la tong badekat pa Tuhan Allah selama masi ada ruang yang pertama deng dia pe pampele itu.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

Wahyu 21:2

Kita lia lagi Tuhan Allah pe kota yang kudus, Yerusalem Baru itu, turung dari sorga, dari Tuhan Allah. Kota itu bagus skali sama deng pengantin parampuang yang barias untuk dia pe pengantin laki-laki.

Wahyu 3:12

Sapa yang menang dari pengaru jahat, Kita akan biking dong tinggal di Tuhan Allah pe Ruma di sorga slama-lamanya. Sama deng satu tiang yang kuat skali di ruma yang biking ruma tetap kuat, tarada satu yang bisa kase kaluar pa dorang lagi. Pa dorang pe badan, Kita akan tulis Tuhan Allah pe nama. Kong Kita mo tulis pa dong lagi Tuhan Allah pe kota pe nama, kota Yerusalem Baru. Kota itu Tuhan Allah akan kase turung dari sorga. Turus Kita mo tulis lagi pa dorang itu Kita pe nama baru.

Wahyu 3:21

Sapa yang menang dari pengaru jahat, Kita mo kase dudu dia pa Kita pe pinggir sama-sama deng Kita di kursi raja. Barang, orang itu so menang sama deng Kita yang so menang dari setang-setang pe pengaru, kong Kita dudu baku pinggir sama-sama deng Kita pe Bapa di Dia pe kursi raja.