Yohanes 14:16 - Perjanjian Baru Bahasa Melayu Maluku Utara

¹⁶ Kong Kita mo minta pa Kita pe Bapa, supaya Dia kase Penolong satu pa ngoni, yang mo ada turus sama-sama deng ngoni.

Yohanes 14:16 ပူးပေါင်းရင်းမြစ်များ

Matius 28:20

Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

Yohanes 14:14

Kita bilang lagi, kalu ngoni minta satu barang pa Kita karna ngoni so jadi Kita pe umat, Kita mo kase itu pa ngoni.”

Yohanes 14:18

Waktu Kita kase tinggal pa ngoni nanti, ngoni ini tara akan sandiri sama deng ana yang tarada papa deng mama. Kita mo bale ulang pa ngoni.

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Yohanes 17:15

Bapa, Kita tara minta pa Bapa supaya Bapa kase jao pa dorang dari orang-orang yang tara percaya pa Bapa. Tarada. Tapi Kita minta supaya Bapa jaga pa dorang dari Iblis, setang-setang pe raja.

Yohanes 17:20

Yesus masi turus berdoa, Dia bilang, “Bapa, Kita berdoa bukang cuma untuk dorang ini yang so percaya pa Kita saja, tapi Kita berdoa lagi untuk orang-orang yang akan jadi percaya pa Kita karna dorang dengar ajaran tentang Kita, yang orang percaya ada kase ajar.

Yohanes 4:14

Tapi sapa saja yang minum aer yang Kita mo kase, dia tara akan aus lagi untuk slama-lamanya. Lebe-lebe lagi aer yang Kita mo kase pa dia, nanti mo jadi sama deng mata aer di dia pe dalam diri yang tara mo berenti-berenti, sampe dia bole dapa hidup deng Tuhan Allah slama-lamanya.”

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Kisah Para Rasul 1:4

Satu kali bagini, waktu Yesus deng Dia pe rasul-rasul itu makang sama-sama, Dia pasáng pa dorang bagini, “Jang dulu ngoni kase tinggal kota Yerusalem ini. Ngoni tinggal di sini supaya tunggu Kita pe Bapa pe janji pa ngoni, sama deng yang Kita perna bilang pa ngoni.

Kisah Para Rasul 13:52

Tapi orang-orang percaya yang ada di kota Antiokhia sanang skali kong Roh Kudus kuasai pa dorang.

Kisah Para Rasul 9:31

Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.

Roma 14:17

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Roma 5:5

Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.

Roma 8:34

Tarada yang bisa kase hukuman pa torang yang percaya, karna Kristus Yesus yang ada bela pa torang pa Tuhan Allah pe muka. Kristus Yesus mati supaya tebus torang pe dosa. Kong lebe dari itu lagi, skarang Dia so hidup ulang kong dudu di tampa yang terhormat, pa Tuhan Allah pe sabla kanan.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Filipi 2:1

Sudara-sudara, ngoni so percaya pa Yesus Kristus, jadi Dia so biking ngoni pe hati kuat. Ngoni pe hati sanang karna Dia sayang pa ngoni. Ngoni so hidup satu hati satu deng yang laeng karna Roh Kudus yang pimpin pa ngoni. Ngoni me baku-baku sayang, deng ada rasa kasiang satu deng yang laeng.

2 Tesalonika 2:16

Yesus Kristus, torang pe Tuhan, deng Tuhan Allah, torang pe Bapa, sayang skali pa torang deng salalu kase kuat torang pe hati sampe torang bole baharap deng yakin torang dapa hidup deng Dia slama-lamanya. Torang bole yakin bagitu, karna torang tau, Yesus Kristus pe bae pa torang.

Ibrani 7:25

Kong karna Dia Imam slama-lamanya, Dia ada kuasa kase slamat pa orang-orang yang mau datang pa Tuhan Allah, dari skarang sampe slama-lamanya. Dia kase slamat pa torang, barang Dia hidup slama-lamanya untuk kase berdoa pa torang pa Tuhan Allah.

1 Yohanes 2:1

Sudara-sudara yang kita sayang sama deng kita pe ana-ana, kita tulis surat ini pa ngoni supaya jang ngoni biking dosa lagi. Tapi kalu ada dari ngoni yang biking dosa, ada yang mo bela pa dia di Tuhan Allah torang pe Bapa pe muka. Yang mo bela itu, Yesus Kristus, Dia yang adil.

1 Yohanes 2:27

Tapi untuk ngoni sandiri, Tuhan Allah so kase Roh Kudus untuk kuasai pa ngoni. Roh itu masi tetap ada pa ngoni, jadi ngoni so tara perlu lagi orang laeng ajar. Roh Kudus itu so ajar pa ngoni tentang samua hal. Apa yang Dia kase ajar itu butul deng tara foya. Kong karna ngoni so tarima ajaran itu dari Dia, ngoni musti tetap hidup satu hati deng Yesus Kristus.

2 Yohanes 1:2

Torang sayang pa ngoni karna Tuhan pe ajaran itu ada pa torang pe hati, kong ajaran itu ada turus pa torang sampe slama-lamanya.