Yohanes 14:12 - Perjanjian Baru Bahasa Melayu Maluku Utara

¹² Inga bae-bae yang Kita mo bilang pa ngoni ini. Sapa saja yang percaya pa Kita, orang itu butul-butul mo biking apa saja yang Kita so biking. Mala, dia bole biking yang lebe basar lagi dari yang Kita so biking, karna Kita pigi pa Kita pe Bapa.

Yohanes 14:12 ပူးပေါင်းရင်းမြစ်များ

Matius 21:21

Kong Yesus bilang pa dorang, “Dengar bae-bae e, kalu ngoni percaya pa Tuhan deng tara ragu-ragu, ngoni bukang cuma mampo kase kiring pohong itu, ngoni me bole parenta pa gunung ini, ‘Taangka suda kong talempar di laut!’ Pasti itu akan jadi.

Markus 11:13

Dari jao Yesus dapa lia pohong ara satu yang dia pe daong banya. Yesus badekat la mo lia kalu pohong itu ada babua ka tarada. Tapi waktu Yesus sampe di situ, Dia lia pohong itu pe bua tarada, cuma dia pe daong-daong saja. Barang, waktu itu bolong dia pe musim babua.

Markus 16:17

Orang-orang yang percaya pa Kita itu, Tuhan Allah akan kase kuasa pa dorang untuk biking tanda-tanda macam bagini: dorang akan user setang-setang pake Kita pe nama, dorang akan bicara pake bahasa-bahasa yang dorang bolong perna tau,

Yohanes 14:28

Ngoni so dengar Kita ada bilang pa ngoni bagini: Kita mo pigi, tapi Kita mo datang ulang pa ngoni. Jadi kalu ngoni sayang pa Kita, pasti ngoni pe hati sanang skali, karna Kita pigi pa Kita pe Bapa. Barang, Kita pe Bapa itu lebe hebat dari Kita.

Yohanes 16:7

Tapi butul, lebe bae Kita pigi, itu untuk ngoni pe bae. Barang kalu Kita pigi, Kita mo kase Roh Kudus supaya tolong pa ngoni. Tapi kalu Kita tara pigi, Roh Kudus itu tara akan datang pa ngoni.

Yohanes 4:37

Jadi butul suda yang ngoni jaga bilang bagini, ‘Ada yang pe karja baambur bibit, deng ada yang pe karja bapanen.’

Yohanes 5:20

Barang, Bapa sayang pa Dia pe Anak kong Dia kase tunju pa Dia pe Anak samua yang Dia sementara biking. Deng nanti Dia akan kase tunju lagi hal yang lebe basar dari mujizat-mujizat yang Dia pe Anak so biking ini, supaya ngoni jadi herang skali.

Yohanes 7:33

Waktu itu, Yesus bilang pa orang banya itu, “Kita pe waktu sama-sama deng ngoni tinggal sadiki saja. Abis itu, Kita mo bale ulang pa Dia yang so utus pa Kita.

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Kisah Para Rasul 10:46

Barang, so jelas orang-orang bukang Yahudi itu so tarima Roh Kudus, karna dorang bicara deng puji pa Tuhan Allah, pake bahasa-bahasa laeng yang Roh Kudus kase pa dorang. Turus, Petrus tamba dia pe bicara,

Kisah Para Rasul 16:18

Parampuang itu jaga biking bagitu turus babarapa hari sampe Paulus me pastiu. Karna itu, Paulus babale kong bilang pa setang yang ada pa parampuang itu, “Woe setang! Deng Yesus Kristus pe kuasa, kita suru ngana kaluar dari dia.” Waktu itu suda setang itu langsung kaluar dari parampuang itu.

Kisah Para Rasul 19:12

Biar cuma lengso atau kaeng yang Paulus perna pake kong orang taru pa orang-orang saki, orang-orang itu langsung bae. Bagitu lagi, kalu lengso itu dong taru pa orang-orang yang ada kemasukan setang, setang itu langsung kaluar.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 4:16

Dorang baku tanya bagini, “Torang musti biking apa pa dong dua? Barang, samua orang di Yerusalem so tau, mujizat yang luar biasa yang dorang dua biking itu, jadi torang tara bisa manyangkal.

Kisah Para Rasul 4:33

Kong, Yesus pe utusan-utusan yang orang sebut rasul-rasul, dorang dapa kuasa basar dari Tuhan Allah, sampe dorang barani kase tau pa orang-orang, Yesus so hidup ulang. Kong Tuhan Allah kase Dia pe bae pa dorang talebe-lebe.

Kisah Para Rasul 4:4

Tapi orang-orang yang dengar Petrus deng Yohanes pe ajaran itu, banya yang jadi percaya pa Yesus. Laki-laki yang percaya waktu itu, dorang pe banya kira-kira lima ribu orang.

Kisah Para Rasul 5:15

Jadi, dorang bawa orang-orang saki di jalang basar kong kase tidor pa dong di tikar, supaya kalu Petrus lewat, biar cuma dia pe bayangan saja kanal pa dorang, dorang jadi sembu.

Kisah Para Rasul 6:7

Mulai dari situ, Tuhan Allah pe firman lebe tamba tasiar, kong orang-orang di Yerusalem yang percaya pa Tuhan Yesus lebe tamba banya. Imam-imam Yahudi me banya yang jadi percaya pa Yesus.

Kisah Para Rasul 8:7

Barang, ada banya orang yang kemasukan setang, kong Filipus user setang-setang dari dorang. Jadi setang-setang itu kaluar deng babataria. Deng, ada banya lagi orang lumpu deng orang tempang yang dapa kase sembu.

Kisah Para Rasul 9:34

Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!” Waktu itu suda, Eneas langsung bangun.

Kisah Para Rasul 9:40

Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.