Yohanes 14:10 - Perjanjian Baru Bahasa Melayu Maluku Utara

¹⁰ Ngana tara percaya, Kita deng Bapa itu satu, kong Bapa deng Kita satu? Kong, apa yang Kita bilang pa ngoni itu bukang Kita bakarang sandiri, tapi dari Bapa yang satu deng Kita. Kong apa saja yang Kita biking, itu suda yang Bapa biking.

Yohanes 14:10 ပူးပေါင်းရင်းမြစ်များ

Yohanes 10:30

Kita deng Kita pe Bapa itu satu.”

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 11:26

Kong tiap orang yang hidup deng yang percaya pa Kita, dia itu tara akan mati slama-lamanya.” Turus Yesus tanya pa Marta, “Marta, ngana percaya yang Kita bilang ini?”

Yohanes 12:49

Barang, Kita pe ajaran bukang dari Kita pe diri sandiri, tapi dari Bapa yang utus pa Kita. Dia itu yang ada parenta pa Kita untuk bilang apa yang musti Kita mo bilang deng kase tau.

Yohanes 14:11

Percaya suda pa Kita, waktu Kita bilang: Kita deng Bapa itu satu, kong Bapa deng Kita satu. Kalu ngoni susa mo percaya deng apa yang Kita bilang itu, percaya suda pa Kita karna samua yang Kita biking.

Yohanes 14:20

Kong waktu Kita hidup ulang itu, ngoni akan tau, Kita ini satu deng Kita pe Bapa kong ngoni ini satu deng Kita, kong Kita satu deng ngoni.

Yohanes 14:24

Tapi sapa saja yang tara sayang pa Kita, orang itu tara biking Kita pe ajaran. Kita pe ajaran itu bukang dari Kita pe diri tapi dari Kita pe Bapa yang utus pa Kita.

Yohanes 17:8

Barang, samua yang Bapa so bilang pa Kita, Kita so kase tau pa dorang, kong dorang percaya. Dorang butul-butul tau, Kita ini datang dari Bapa, kong dorang percaya, Bapa yang utus pa Kita.

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 5:17

Tapi Yesus jawab pa dorang, “Kita pe Bapa saja bakarja turus sampe hari ini, jadi Kita lagi musti bakarja turus sama deng Dia.”

Yohanes 5:19

Yesus tau dorang mara pa Dia karna Dia bilang, Tuhan Allah itu Dia pe Bapa, jadi Yesus kase turus Dia pe bicara pa dorang bagini, “Inga bae-bae yang Kita mo bilang ini. Kita Anak Allah, Kita tara ada kuasa mo biking apa-apa iko Kita pe mau sandiri. Kita cuma biking apa yang Bapa biking, karna apa saja yang Bapa biking, itu lagi yang Kita biking.

Yohanes 7:16

Yesus bilang pa dorang, “Yang Kita kase ajar ini, bukang Kita pe ajaran sandiri, tapi dari Tuhan Allah yang utus pa Kita.

Yohanes 8:28

Jadi, Yesus bilang pa dorang, “Nanti waktu ngoni so angka pa Anak Manusia yang dari sorga untuk dapa salib, baru ngoni sadar, Dia itu Kita ini suda yang Tuhan Allah janji. Kong ngoni lagi mo tau, Kita tara biking apa-apa iko Kita pe mau sandiri, tapi samua yang Kita bilang, itu dari Bapa sama deng yang Bapa ajar pa Kita.

Yohanes 8:38

Yang Kita ajar pa ngoni itu, apa yang Kita lia dari Kita pe Bapa. Tapi ngoni, ngoni iko apa yang ngoni dengar dari ngoni pe papa.”

Yohanes 8:40

Tapi apa yang ngoni biking tara sama deng Abraham, mala ngoni berusaha mo bunu pa Kita cuma karna Kita so bilang pa ngoni ajaran yang butul, yang Kita dengar dari Tuhan Allah. Apa yang ngoni biking itu tara iko sama deng yang Abraham so biking.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

2 Korintus 5:19

Kong Kabar Bae yang torang kase tau itu bagini: waktu Yesus Kristus mati di kayu salib, Tuhan Allah buka jalang la torang manusia pe hubungan bole bae-bae ulang deng Dia. Kong samua orang pe dosa-dosa, Dia so tara hitung lagi untuk Dia hukum. Deng Dia kase tugas pa torang la bantu orang jadi percaya pa Dia, supaya dorang pe hubungan jadi bae-bae ulang deng Tuhan Allah.

Kolose 1:19

Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Kolose 2:9

Inga, jang ngoni tapengaru deng dong pe ajaran yang sala itu, karna samua Tuhan Allah pe sifat deng kuasa ada pa Yesus Kristus pe diri.

1 Yohanes 5:7

Ada tiga bukti yang biking torang tau butul Yesus itu datang dari Tuhan Allah: