Yohanes 13:31 - Perjanjian Baru Bahasa Melayu Maluku Utara

³¹ Waktu Yudas so pigi, Yesus bilang, “Ada yang mo jadi skarang yang biking Anak Manusia yang dari sorga mo dapa puji deng hormat, kong deng bagitu Tuhan Allah me mo dapa puji deng hormat.

Yohanes 13:31 ပူးပေါင်းရင်းမြစ်များ

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Lukas 12:50

Tapi masi ada lagi sengsara yang akan Kita mo dapa, kong Kita pe hati tara tenang sebelum sengsara itu Kita dapa.

Yohanes 11:4

Waktu Yesus dengar kabar itu, Dia bilang, “Lazarus pe panyake itu tara akan biking dia mati. Tapi dia saki bagitu supaya nanti orang bole lia Tuhan Allah pe kuasa yang hebat. Kong deng dia pe saki itu, orang mo puji deng hormat pa Anak Allah.”

Yohanes 12:23

Kong Yesus bilang pa dorang, “So dia pe waktu Tuhan Allah mo biking Anak Manusia dapa puji deng hormat.

Yohanes 12:28

Kong Yesus berdoa, “Bapa, apa yang mo jadi pa Kita, Bapa biking suda, supaya orang-orang puji deng hormat pa Bapa.” Abis itu, dapa dengar suara dari sorga, “Kita so kase tunju Kita pe kuasa yang hebat, kong Kita akan kase tunju lagi Kita pe kuasa yang hebat.”

Yohanes 14:13

Kong apa saja yang ngoni minta pa Bapa karna ngoni Kita pe umat, Kita mo biking itu untuk ngoni, supaya deng apa yang Kita biking itu, orang-orang bole puji deng hormat pa Kita pe Bapa.

Yohanes 16:14

Roh Kudus itu mo hormati pa Kita, karna Dia kase tau pa ngoni apa yang Dia so kamuka dengar dari Kita.

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

Efesus 1:12

Jadi torang orang Yahudi yang so kamuka baharap pa Yesus Kristus, torang bole puji deng hormat pa Tuhan Allah yang hebat.

Efesus 2:7

Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Efesus 3:10

Tuhan Allah pe maksut supaya samua yang bapimpin deng yang berkuasa di langit bole tau, Tuhan Allah itu tau samua hal deng tara perna abis akal untuk ator samua yang ada. Dorang bole tau itu karna dorang lia Dia biking orang Yahudi deng orang bukang Yahudi jadi satu karna skarang dorang so percaya pa Yesus Kristus.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Petrus 2:12

Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.