Yohanes 13:22 - Perjanjian Baru Bahasa Melayu Maluku Utara

²² Kong Dia pe murit-murit baku haga. Dorang jadi bingung, barang dorang tara tau yang Yesus maksut itu sapa.

Yohanes 13:22 ပူးပေါင်းရင်းမြစ်များ

Matius 26:21

Sementara dong makang, Yesus bilang, “Inga bae-bae yang Kita bilang ini, ada satu orang dari ngoni yang akan mo bahianat pa Kita.”

Matius 26:22

Pe dengar itu, dorang pe hati jadi sedi skali. Kong satu-satu bilang pa Dia, “Guru, bukang kita, to?”

Markus 14:18

Bagitu dorang sementara dudu makang, Yesus bilang bagini, “Inga bae-bae yang Kita bilang ini. Dari ngoni yang dudu makang deng Kita ini, ada satu orang yang akan mo bahianat pa Kita.”

Markus 14:19

Pe dengar itu, dorang pe hati jadi sedi kong satu-satu bilang pa Dia, “Bukang kita, to?”

Lukas 22:21

Tapi jang kage deng yang Kita mo bilang ini, orang yang mo serakan pa Kita, skarang ini ada makang sama-sama deng torang di sini.

Lukas 22:23

Pe dengar itu, Yesus pe murit-murit mulai baku tanya, sapa dari dorang yang akan mo biking bagitu.

Yohanes 13:18

Tapi tara samua ngoni yang mo butul-butul sanang. Memang Kita yang pili pa ngoni samua, jadi Kita lagi tau ada satu dari ngoni yang mo bahianat pa Kita. Tapi Kita pili pa dia, supaya apa yang Tuhan Allah so bilang di Kitab Suci dulu itu mo jadi. Ini yang Dia bilang, ‘Sapa yang makang Kita pe roti, nanti dia itu yang mo bahianat pa Kita.’

Yohanes 13:21

Abis Yesus bilang bagitu, Dia pe hati jadi sedi skali kong Dia kase tau pa Dia pe murit-murit, “Inga bae-bae yang Kita bilang ini, ada satu orang dari ngoni yang akan mo bahianat pa Kita.”