Yohanes 13:21 - Perjanjian Baru Bahasa Melayu Maluku Utara

²¹ Abis Yesus bilang bagitu, Dia pe hati jadi sedi skali kong Dia kase tau pa Dia pe murit-murit, “Inga bae-bae yang Kita bilang ini, ada satu orang dari ngoni yang akan mo bahianat pa Kita.”

Yohanes 13:21 ပူးပေါင်းရင်းမြစ်များ

Matius 26:21

Sementara dong makang, Yesus bilang, “Inga bae-bae yang Kita bilang ini, ada satu orang dari ngoni yang akan mo bahianat pa Kita.”

Matius 26:38

Kong Dia bilang pa dong tiga, “Kita pe hati susa skali, rasa-rasa sama deng mo mati. Ngoni di sini dulu e, bajaga-jaga deng Kita turus.”

Markus 14:18

Bagitu dorang sementara dudu makang, Yesus bilang bagini, “Inga bae-bae yang Kita bilang ini. Dari ngoni yang dudu makang deng Kita ini, ada satu orang yang akan mo bahianat pa Kita.”

Markus 3:5

Yesus pe hati susa karna dorang pe hati karas. Dia haga pa dorang samua deng rasa mara, kong Dia bilang pa orang yang dia pe tangan sabla mati itu, “Kase kamari ngana pe tangan.” Turus orang itu kase dia pe tangan kong dia pe tangan jadi sembu.

Yohanes 11:33

Waktu Yesus lia Maria manangis sedi skali, deng orang-orang agama Yahudi yang datang sama-sama deng Maria, dorang lagi manangis, Yesus pe hati jadi susa skali. Kong deng sedi skali Dia bilang,

Yohanes 11:35

Kong Yesus manangis.

Yohanes 11:38

Waktu Yesus pigi di Lazarus pe kubur itu, Dia pe hati jadi sedi skali. Tampa yang dong kubur pa Lazarus itu ada di goa, kong kubur itu pe pintu dong tutu deng batu basar satu.

Yohanes 12:27

Yesus bicara lagi, “Kita pe hati sedi skali. Kita so tara tau mo bilang apa. Apa Kita mo bilang Bapa kase lapas penderitaan ini dari Kita? Tantu tara bagitu! Mala, untuk dapa penderitaan ini suda sampe Kita datang di dunia ini.”

Yohanes 13:18

Tapi tara samua ngoni yang mo butul-butul sanang. Memang Kita yang pili pa ngoni samua, jadi Kita lagi tau ada satu dari ngoni yang mo bahianat pa Kita. Tapi Kita pili pa dia, supaya apa yang Tuhan Allah so bilang di Kitab Suci dulu itu mo jadi. Ini yang Dia bilang, ‘Sapa yang makang Kita pe roti, nanti dia itu yang mo bahianat pa Kita.’

Yohanes 13:2

Yesus deng Dia pe murit-murit sementara makang malam sama-sama. Waktu dorang bolong makang, Iblis, setang-setang pe raja so taru pikiran jahat pa Yudas pe hati. Yudas itu Simon Iskariot pe ana. Iblis pengaru pa dia supaya bahianat pa Yesus.

Yohanes 13:22

Kong Dia pe murit-murit baku haga. Dorang jadi bingung, barang dorang tara tau yang Yesus maksut itu sapa.

Kisah Para Rasul 17:16

Waktu Paulus tunggu pa Silas deng Timotius di kota Atena, Paulus pe hati sedi skali, barang dia lia orang-orang di kota Atena pe puji-puji ada banya skali.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.