Yohanes 13:2 - Perjanjian Baru Bahasa Melayu Maluku Utara

² Yesus deng Dia pe murit-murit sementara makang malam sama-sama. Waktu dorang bolong makang, Iblis, setang-setang pe raja so taru pikiran jahat pa Yudas pe hati. Yudas itu Simon Iskariot pe ana. Iblis pengaru pa dia supaya bahianat pa Yesus.

Yohanes 13:2 ပူးပေါင်းရင်းမြစ်များ

Matius 10:4

Ada lagi Simon (dari Gerakan Yahudi Merdeka), deng Yudas Iskariot (yang nanti mo bahianat pa Yesus).

Lukas 22:3

Ada satu dari Yesus pe dua blas murit, dia pe nama Yudas Iskariot. Waktu itu, Iblis maso pa Yudas pe hati,

Lukas 22:31

Yesus bilang pa Simon Petrus, “Simon, Simon, coba ngana dengar! Iblis so minta ijin pa Tuhan Allah la mo goda pa ngoni supaya ngoni tara percaya pa Kita lagi. Itu bole kase sama deng orang tapis gandum kase pisa dari dia pe kuli.

Yohanes 13:11

Yesus bilang bagitu, karna Dia so tau, sapa yang mo bahianat pa Dia. Itu dia pe sebab sampe Dia bilang, “Tara samua dari ngoni itu yang bersi.”

Yohanes 13:4

Jadi waktu dorang makang sama-sama itu, Yesus badiri kong buka Dia pe juba. Turus Dia ambe kaeng kong kase ika pa Dia pe pinggang.

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

2 Korintus 8:16

Torang bilang tarimakasi pa Tuhan Allah karna Dia yang biking sampe Titus suka bantu pa ngoni, sama deng torang suka bantu pa ngoni.

Efesus 2:3

Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

Wahyu 17:17

Barang, Tuhan Allah yang biking sampe raja-raja itu satu hati kase dong pe kuasa untuk binatang jahat. Itu Tuhan Allah pe rencana. Kong deng jalang bagitu, apa yang Tuhan Allah so bilang dulu, akan jadi.