Yohanes 12:34 - Perjanjian Baru Bahasa Melayu Maluku Utara

³⁴ Kong orang banya itu bilang, “Di lima kitab Musa, Tuhan Allah janji mo utus Mesias, Raja yang mo kase slamat pa manusia. Tuhan Allah bilang Raja itu tetap mo hidup sampe slama-lamanya. Jadi, bagimana kong Bapa bilang, Bapa itu Anak Manusia yang mo dapa angka di atas bumi, abis itu mati? Sebenarnya yang Bapa maksut itu sapa?”

Yohanes 12:34 ပူးပေါင်းရင်းမြစ်များ

Matius 16:13

Yesus deng Dia pe murit-murit sampe di daera dekat kota Kaisarea Filipi. Di situ, Yesus batanya pa Dia pe murit-murit, “Yang ngoni dengar, orang-orang jaga bilang Anak Manusia ini sapa?”

Matius 21:10

Waktu Yesus sampe di kota Yerusalem, satu kota itu langsung hebo. Kong orang-orang di kota itu baku tanya, “Sapa orang ini e?”

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Yohanes 10:34

Turus, Yesus bilang pa dorang, “Di lima kitab Musa yang ngoni pegang kuat itu, so tatulis yang Tuhan Allah bilang dulu itu bagini, ‘Ngoni itu sama deng allah’.

Yohanes 12:32

Kong Kita, kalu Kita dapa angka di atas bumi, Kita mo biking sampe samua orang bole percaya pa Kita.”

Yohanes 15:25

Tapi biar suda dorang binci pa Kita, supaya apa yang so tatulis di Kitab Suci, memang mo jadi. Bagini yang tatulis, ‘Dorang binci pa Kita tapi tara ada dia pe alasan.’

Yohanes 8:28

Jadi, Yesus bilang pa dorang, “Nanti waktu ngoni so angka pa Anak Manusia yang dari sorga untuk dapa salib, baru ngoni sadar, Dia itu Kita ini suda yang Tuhan Allah janji. Kong ngoni lagi mo tau, Kita tara biking apa-apa iko Kita pe mau sandiri, tapi samua yang Kita bilang, itu dari Bapa sama deng yang Bapa ajar pa Kita.

Roma 3:19

Samua tulisan itu ada di Kitab Suci. Torang so tau, aturan di lima kitab Musa itu Tuhan Allah kase supaya torang orang Yahudi iko. Jadi deng aturan itu, ada kase jelas, tarada satu orang yang bole bilang, dia itu so butul pa Tuhan Allah pe muka. Samua orang di dunia pantas dapa hukum dari Tuhan Allah.

Roma 5:18

Jadi karna Adam biking satu dosa, itu biking torang samua mo dapa hukum. Tapi karna Yesus Kristus biking satu hal yang butul, itu biking samua orang bole jadi orang yang tara sala pa Tuhan Allah pe muka, kong nanti samua orang mo hidup deng Tuhan Allah slama-lamanya.

Ibrani 7:24

Tapi Yesus Kristus, Dia tetap ada sampe slama-lamanya, jadi Dia pegang Dia pe jabatan Imam tara ganti-ganti deng orang laeng.