Yohanes 12:1 - Perjanjian Baru Bahasa Melayu Maluku Utara

¹ Tinggal anam hari lagi orang agama Yahudi mo biking dorang pe hari raya Paska, kong Yesus pigi di Betania, Lazarus pe kampong. Lazarus itu yang perna mati kong Yesus kase hidup ulang.

Yohanes 12:1 ပူးပေါင်းရင်းမြစ်များ

Matius 21:17

Abis itu, Yesus kase tinggal pa dorang. Dia pigi di luar kota Yerusalem di kampong Betania. Kong Dia tidor satu malam di situ.

Markus 11:11

Pe sampe di Yerusalem, Yesus pigi di Ruma Ibada Pusat pe kompleks. Di situ Dia bakuliling mo lia samua yang ada. Tapi karna so malam, Dia kaluar kong pigi di Betania sama-sama deng Dia pe dua blas murit.

Lukas 24:50

Kong Yesus bawa Dia pe murit-murit kaluar kota. Waktu so dekat di kampong Betania, dorang berenti. Di situ, Yesus angka Dia pe tangan, turus berkati pa dorang.

Lukas 7:37

Di kampong itu, ada parampuang satu yang orang tau dia parampuang tara bae. Dia dengar Yesus ada makang di orang Farisi itu pe ruma. Kong dia datang di situ bawa minya wangi yang mahal skali dalam botol.

Yohanes 11:1

Ada laki-laki satu yang saki barát. Dia pe nama Lazarus. Dia tinggal di kampong Betania, sama-sama deng dia pe kaka parampuang dua. Dorang dua pe nama, Maria deng Marta.

Yohanes 11:43

Abis Yesus bilang bagitu, Dia pangge pa Lazarus kuat-kuat, “Lazarus, kaluar kamari!”

Yohanes 11:44

Kong Lazarus yang so mati itu kaluar. Dia pe tangan deng kaki masi talingkar deng kaeng puti yang dong biasa pake untuk bungkus orang mati, kong dia pe muka ada tatutu deng kaeng lagi. Turus Yesus bilang pa dorang, “Buka suda kaeng-kaeng itu supaya dia bole bajalang.”

Yohanes 11:55

Waktu itu, orang agama Yahudi pe hari raya Paska so dekat. Hari raya itu dong inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Jadi sebelum hari raya itu, banya orang agama Yahudi dari daera-daera yang laeng datang di Yerusalem untuk ‘biking bersi diri’ iko dorang pe aturan agama.

Yohanes 12:12

Dia pe beso, orang banya yang so ada di kota Yerusalem la mo biking agama Yahudi pe hari raya, dong dengar kata, Yesus ada di tenga jalang mo pi di kota Yerusalem.

Yohanes 12:20

Dari samua orang yang datang basambayang di Yerusalem untuk iko agama Yahudi pe hari raya, ada lagi orang-orang bukang Yahudi yang datang.

Yohanes 12:9

Banya skali orang agama Yahudi dengar Yesus ada di kampong Betania, jadi dorang pigi ka sana. Dorang ka sana itu bukang cuma mo lia pa Yesus, tapi dong mo lia lagi pa Lazarus, orang yang so perna mati kong Yesus so kase hidup ulang.