Yohanes 11:53 - Perjanjian Baru Bahasa Melayu Maluku Utara

⁵³ Mulai hari itu suda, pemimpin-pemimpin agama Yahudi baku ator la mo bunu pa Yesus.

Yohanes 11:53 ပူးပေါင်းရင်းမြစ်များ

Matius 12:14

Tapi orang-orang dari aliran Farisi itu kaluar dari ruma ibada itu kong baku ator la mo bunu pa Yesus.

Matius 16:21

Mulai dari itu, Yesus bilang turus tarang pa Dia pe murit-murit, Dia musti pigi di kota Yerusalem, kong di sana Dia mo dapa banya siksa dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dorang itu mo bunu pa Dia, tapi di hari ketiga Tuhan Allah mo kase hidup ulang pa Dia.

Matius 22:46

Dari samua orang itu, tara ada satu orang lagi yang bisa jawab apa-apa pa Yesus. Kong mulai dari waktu itu, tarada satu orang lagi yang barani batanya pa Yesus.

Matius 26:4

Di situ dorang baku ator la mo tangka pa Yesus. Dorang mo tangka pa Dia deng cara sambunyi-sambunyi, kong mo bunu pa Dia.

Matius 26:59

Di situ, imam-imam kapala deng samua pemimpin Mahkama Agama dorang cari orang-orang yang basaksi tara butul la kase bukti Yesus pe sala, supaya dorang mo hukum mati pa Dia.

Markus 14:1

Tinggal dua hari lagi orang agama Yahudi mo biking dong pe hari raya Paska. Hari raya itu, dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang, deng dorang lagi biking hari raya Roti Tara Pake Ragi. Turus waktu itu, orang Yahudi pe imam-imam kapala deng guru-guru agama yang ahli lima kitab Musa baku ator la mo tangka pa Yesus deng cara sambunyi-sambunyi kong bunu pa Dia.

Markus 3:6

Waktu itu suda, orang-orang Yahudi dari aliran Farisi kaluar dari ruma ibada itu kong dorang langsung baku ator deng raja Herodes pe orang-orang la mo bunu pa Yesus.

Yohanes 11:47

Pe dengar itu, orang-orang dari aliran Farisi deng imam-imam kapala, dorang pangge pa pemimpin-pemimpin agama Yahudi pe kumpulan yang paling tinggi yang jaga adili orang. Kumpulan itu pe nama Mahkama Agama. Kong dorang bilang, “Apa yang torang musti biking deng Orang ini? Barang Dia so biking banya mujizat.

Yohanes 12:10

Pe dengar itu, imam-imam kapala baku ator la mo bunu pa Yesus, deng pa Lazarus lagi.

Yohanes 7:1

Abis bicara pa orang banya, Yesus pigi bajalang dari tampa satu ka tampa yang laeng di daera Galilea. Dia tara mau pigi di daera Yudea karna pemimpin-pemimpin agama Yahudi di sana ada cari pa Dia la mo bunu.

Kisah Para Rasul 5:33

Pe dengar Petrus puji pa Yesus deng tudu dorang yang bunu pa Yesus, kumpulan Mahkama Agama itu mara skali, sampe dong biking rencana untuk bunu pa rasul-rasul itu.

Kisah Para Rasul 9:23

Waktu Saulus tinggal so lama di Damsyik, orang-orang Yahudi di situ baku skongkol mo bunu pa dia.