Yohanes 11:52 - Perjanjian Baru Bahasa Melayu Maluku Utara

⁵² Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Yohanes 11:52 ပူးပေါင်းရင်းမြစ်များ

Lukas 15:8

Yesus bilang umpama satu lagi bagini, “Ada parampuang satu yang punya doi perak spulu. Satu kali, dia pe doi perak satu tu ilang. Jadi apa yang dia biking? Pasti parampuang itu kase manyala lampu, turus dia sapu dia pe ruma kong cari bae-bae dia pe doi yang ilang itu sampe dapa.

Lukas 2:32

Orang itu nanti sama deng tarang, yang kase tarang jalang. Dia kase tarang orang-orang yang bukang Yahudi pe hati, supaya dorang bole datang pa Tuhan Allah, deng supaya orang-orang puji deng hormat pa Tuhan Allah pe umat, bangsa Israel.”

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Yohanes 1:29

Dia pe beso, Yohanes lia Yesus sementara datang pa dia. Kong Yohanes bilang pa orang-orang yang ada di situ, “Coba ngoni lia, Dia yang datang kamari itu Tuhan Allah mo kase jadi korban, sama deng domba pe ana yang torang orang Israel biasa kase korban untuk hapus dosa.

Yohanes 10:16

Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

Yohanes 12:32

Kong Kita, kalu Kita dapa angka di atas bumi, Kita mo biking sampe samua orang bole percaya pa Kita.”

Kisah Para Rasul 18:10

karna Kita sama-sama deng ngana. Tara ada satu orang yang akan pukul deng siksa pa ngana, barang Kita pe umat ada banya di kota ini.”

Roma 3:29

Karna Tuhan Allah itu bukang cuma orang-orang Yahudi pe Tuhan saja, Dia itu me orang-orang yang bukang Yahudi pe Tuhan lagi.

Roma 4:17

Itu sama deng yang Tuhan Allah ada bilang tentang dia di Kitab Suci bagini, “Kita so pili pa ngana jadi papa untuk banya suku bangsa di dunia.” Kong Abraham percaya apa yang Tuhan Allah bilang itu. Tuhan Allah itu yang kase hidup orang yang so mati, deng Dia me yang biking dunia ini dari yang bolong ada, jadi ada, cuma deng Dia pe kata-kata saja.

Efesus 1:5

Tuhan Allah sayang pa torang, kong karna itu, dari dulu Dia so ada rencana untuk kase jadi torang Dia pe ana-ana. Torang jadi Dia pe ana-ana itu karna apa yang Yesus Kristus biking, kong memang itu suda yang Tuhan Allah ingin biking.

Efesus 3:11

Tuhan Allah biking dorang jadi satu itu iko apa yang Dia so rencana dari dulu, waktu Dia bolong biking dunia ini. Kong Dia pe rencana itu bole jadi karna apa yang Kristus Yesus torang pe Tuhan so biking.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

1 Petrus 1:1

Sudara-sudara, ngoni yang so merantau kong tinggal sebagai pendatang di daera Pontus, Galatia, Kapadokia, Asia Kecil, deng Bitinia. Salam dari kita Petrus yang jadi Yesus Kristus pe utusan yang orang sebut rasul.

1 Yohanes 2:2

Dia mati jadi korban supaya torang pe dosa dapa ampun. Kong bukang cuma torang pe dosa, tapi samua orang di dunia ini pe dosa-dosa lagi.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

Wahyu 5:9

Kong dorang manyanyi puji pa Anak Domba itu deng lagu baru bagini: “Anak Domba ini yang pantas tarima kitab tagulung itu, deng yang pantas buka tuju segel yang talém di kitab itu. Barang, Anak Domba ini so perna dapa bunu, kong Dia pe dara so tatumpa untuk hapus orang-orang pe dosa dari tiap fam, suku, bahasa deng bangsa supaya dorang jadi Dia pe umat.