Yohanes 11:44 - Perjanjian Baru Bahasa Melayu Maluku Utara

⁴⁴ Kong Lazarus yang so mati itu kaluar. Dia pe tangan deng kaki masi talingkar deng kaeng puti yang dong biasa pake untuk bungkus orang mati, kong dia pe muka ada tatutu deng kaeng lagi. Turus Yesus bilang pa dorang, “Buka suda kaeng-kaeng itu supaya dia bole bajalang.”

Yohanes 11:44 ပူးပေါင်းရင်းမြစ်များ

Markus 5:43

Turus Yesus larang karas pa dorang, jang kase carita apa yang so jadi itu pa orang laeng. Abis itu, Yesus suru pa dorang kase makang pa ana itu.

Lukas 19:20

Turus orang karja yang laeng datang kong bilang, ‘Bapa, ini bapa pe doi mas yang bapa ada kase pa kita. Kita simpang dalam lengso.

Lukas 7:15

Abis Yesus bilang bagitu, ana muda yang mati itu hidup ulang. Dia dudu, turus mulai bicara. Kong Yesus serakan ana itu pa dia pe mama.

Yohanes 10:30

Kita deng Kita pe Bapa itu satu.”

Yohanes 11:39

Sampe di sana, Yesus bilang, “Sorong batu itu.” Tapi Marta, Lazarus pe sudara itu bilang, “Tuhan, so ampa hari ini dia mati, pasti dia so bobou skali.”

Yohanes 11:43

Abis Yesus bilang bagitu, Dia pangge pa Lazarus kuat-kuat, “Lazarus, kaluar kamari!”

Yohanes 19:40

Dorang ambe Yesus pe mayat kong kase lingkar deng kaeng puti alus. Sementara itu, dorang goso deng macam-macam minya wangi itu iko orang agama Yahudi pe biasa waktu mo kubur mayat.

Yohanes 20:5

Murit yang satu itu tara maso di dalam kubur goa, tapi dia cuma bahoba ka dalam, kong dia lia kaeng puti yang pake kase lingkar Yesus pe mayat ada di situ.

Yohanes 20:7

Kong kaeng spanggal yang pake kase lingkar Yesus pe kapala tara ada di dekat kaeng puti yang pake kase lingkar Yesus pe badan, tapi ada di tampa laeng kong so talipa.

Yohanes 5:21

Bapa itu yang kase hidup ulang pa orang-orang yang mati. Bagitu lagi deng Dia pe Anak mo kase hidup pa sapa saja yang Dia pe Anak mau. Hidup itu, hidup deng Tuhan Allah slama-lamanya.

Yohanes 5:25

Dengar bae-bae yang Kita mo bilang ini. Nanti ada dia pe waktu, mala skarang suda dia pe waktu, orang-orang mati mo dengar Anak Allah pe suara kong jadi percaya, sampe dorang itu akan hidup deng Tuhan Allah slama-lamanya.

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.