Yohanes 11:41 - Perjanjian Baru Bahasa Melayu Maluku Utara

⁴¹ Jadi dorang sorong batu itu. Turus Yesus mangada ka atas kong bilang, “Bapa, Kita bilang tarimakasi banya pa Bapa karna Bapa so dengar pa Kita.

Yohanes 11:41 ပူးပေါင်းရင်းမြစ်များ

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

Matius 11:26

Ya Bapa, itu suda yang biking Bapa pe hati sanang.

Matius 27:60

Abis itu, dia taru Yesus pe mayat itu di kubur goa satu yang ada gale di bukit batu. Kubur itu dia punya, kong masi baru. Abis taru di situ, dia guling batu basar satu untuk tutu kubur goa itu pe pintu. Abis itu, baru Yusuf pulang.

Markus 15:46

Turus Yusuf pigi bili kaeng puti alus, kong dia kase turung Yesus pe mayat dari salib. Abis itu, dia bungkus Yesus pe mayat deng kaeng itu kong taru di dalam kubur goa satu yang so gale di bukit batu, baru dia guling batu basar satu mo kase tutu kubur goa itu pe pintu.

Lukas 10:21

Waktu itu suda, Roh Kudus kuasai pa Yesus kong biking Dia pe hati sanang. Kong Dia bilang, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau samua itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti. Ya Bapa, itu suda yang biking Bapa pe hati sanang.

Lukas 18:13

Tapi tukang tagi pajak itu, dia badiri jao-jao. Dia tara barani mangada di langit, tapi dia sapu-sapu dia pe dada tanda manyasal, kong babilang, ‘Ya Tuhan Allah, kasiang ka pa kita. Kita ini orang berdosa.’

Lukas 24:2

Pas so sampe di kubur goa, dorang dapa batu yang ada kase tutu kubur itu so taguling dari pintu goa pe muka.

Yohanes 11:22

Tapi skarang me kita tau, apa saja yang Tuhan minta pa Tuhan Allah, Dia pasti kase.”

Yohanes 17:1

Abis Yesus bilang samua itu pa Dia pe murit-murit, Dia mangada di langit kong berdoa, “Bapa, skarang so dia pe waktu yang Bapa so tentukan. Jadi Kita minta, Bapa biking suda pa Kita, Bapa pe Anak ini la Kita dapa puji deng hormat, deng bagitu Kita me bisa biking Bapa dapa puji deng hormat.

Yohanes 20:1

Pas hari minggu, waktu masi pagi-pagi skali, Maria orang Magdala pigi pa Yesus pe kubur goa. Pe sampe di kubur itu, dia lia batu yang ada kase tutu di kubur so taguling dari dia pe tampa.

Kisah Para Rasul 7:55

Tapi Stefanus yang Roh Kudus kuasai, dia bahaga ka atas di langit, kong dia lia Tuhan Allah pe kuasa yang luar biasa. Dia me lia Yesus badiri di tampa yang terhormat pa Tuhan Allah pe sabla kanan.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.