Yohanes 11:32 - Perjanjian Baru Bahasa Melayu Maluku Utara

³² Pe sampe di tampa Yesus ada, Maria lia pa Yesus, dia langsung berlutut pa Yesus kong bilang bagini, “Tuhan, kalu tuhari Tuhan ada di sini, pasti kita pe ade tara mati.”

Yohanes 11:32 ပူးပေါင်းရင်းမြစ်များ

Lukas 17:16

Turus dia berlutut di Yesus pe kaki kong bilang tarimakasi pa Yesus. Dia itu orang Samaria.

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Lukas 8:41

Waktu itu, ada satu orang datang pa Yesus, dia pe nama Yairus. Dia itu kapala di satu ruma ibada agama Yahudi. Dia berlutut pa Yesus pe muka kong bamohon supaya Yesus datang pa dia pe ruma.

Yohanes 11:2

Maria itu yang siram minya wangi pa Tuhan Yesus pe kaki kong goso pake dia pe rambu.

Yohanes 11:21

Bagitu baku dapa deng Yesus, Marta bilang pa Dia, “Tuhan, kalu Tuhan ada di sini, pasti kita pe sudara tara mati.

Yohanes 11:37

Tapi ada yang laeng bilang, “Dia bisa kase sembu orang buta. Masa Dia tara mampo kase sembu pa Lazarus supaya jang dia mati!”

Yohanes 4:49

Turus pegawai itu bilang pa Yesus, “Bapa, mari suda iko deng kita, jang sampe kita pe ana mati.”

Wahyu 22:8

Kita Yohanes, kita ini suda yang so dengar deng lia sandiri samua hal yang kita so tulis ini. Bagitu abis kita dengar deng lia samua itu, turus kita berlutut semba di malaekat itu pe kaki, yang so kase tunju samua itu pa kita.

Wahyu 5:14

Kong ampa binatang luar biasa itu sama-sama bilang, “Amin!” Turus, dua pulu ampa pemimpin itu berlutut semba pa Tuhan Allah sampe dong pe muka kanal di tana.

Wahyu 5:8

Waktu Anak Domba ambe kitab yang tagulung itu, ampa binatang yang luar biasa itu deng dua pulu ampa pemimpin itu berlutut semba pa Dia sampe dong pe muka kanal di tana. Dorang masing-masing ada pegang kecapi satu deng mangko mas satu. Mangko mas itu ada isi kemenyan yang kalu bakar dia pe bobou sadap. Bobou sadap itu pe arti, doa-doa dari orang-orang yang so jadi Tuhan Allah pe umat.