Yohanes 11:26 - Perjanjian Baru Bahasa Melayu Maluku Utara

²⁶ Kong tiap orang yang hidup deng yang percaya pa Kita, dia itu tara akan mati slama-lamanya.” Turus Yesus tanya pa Marta, “Marta, ngana percaya yang Kita bilang ini?”

Yohanes 11:26 ပူးပေါင်းရင်းမြစ်များ

Matius 26:53

Jang ngoni lupa, Kita bisa minta pa Kita pe Bapa, la Dia langsung kirim malaekat deng ribu untuk tolong pa Kita.

Matius 9:28

Waktu Yesus maso di ruma satu, dua orang buta itu datang pa Dia. Kong Yesus tanya pa dorang, “Ngoni percaya Kita bole kase sembu pa ngoni?” Dorang jawab, “Iyo Bapa, torang percaya.”

Markus 9:23

Tapi Yesus bilang bagini, “Jang ngana bilang ‘kalu Kita dapa kase sembu!’ Samua bisa jadi kalu orang percaya pa Kita!”

Yohanes 10:28

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Yohanes 14:10

Ngana tara percaya, Kita deng Bapa itu satu, kong Bapa deng Kita satu? Kong, apa yang Kita bilang pa ngoni itu bukang Kita bakarang sandiri, tapi dari Bapa yang satu deng Kita. Kong apa saja yang Kita biking, itu suda yang Bapa biking.

Yohanes 4:14

Tapi sapa saja yang minum aer yang Kita mo kase, dia tara akan aus lagi untuk slama-lamanya. Lebe-lebe lagi aer yang Kita mo kase pa dia, nanti mo jadi sama deng mata aer di dia pe dalam diri yang tara mo berenti-berenti, sampe dia bole dapa hidup deng Tuhan Allah slama-lamanya.”

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Yohanes 6:47

Dengar bae-bae yang Kita bilang ini. Sapa saja yang percaya pa Kita, dia itu so dapa hidup deng Tuhan Allah slama-lamanya.

Yohanes 9:35

Yesus dapa dengar, orang yang dulu buta itu so dapa larang maso lagi di ruma ibada agama Yahudi. Kong Yesus pigi baku dapa deng orang itu, turus bilang pa dia, “Ngana percaya pa Anak Manusia yang dari sorga?”

Roma 8:13

Karna kalu ngoni hidup iko manusia pe mau, ngoni mo dapa hukum tapisa deng Tuhan Allah slama-lamanya. Tapi kalu ngoni hidup iko Tuhan Allah pe Roh, Tuhan Allah pe Roh akan tolong pa ngoni supaya ngoni berenti biking ngoni pe mau yang jahat, ngoni itu mo hidup deng Tuhan Allah slama-lamanya.