Yohanes 11:19 - Perjanjian Baru Bahasa Melayu Maluku Utara

¹⁹ Jadi banya orang agama Yahudi dari Yerusalem so datang pa Marta deng Maria untuk hibur pa dorang, barang dong dua pe sudara Lazarus so mati.

Yohanes 11:19 ပူးပေါင်းရင်းမြစ်များ

Lukas 10:39

Marta ada sudara parampuang satu, nama Maria. Waktu Yesus ada pa dorang pe ruma, Maria dudu badekat deng Tuhan kong dengar turus Dia pe ajaran.

Lukas 10:42

Padahal, yang penting itu cuma satu, kong Maria so pili yang bae itu, yang dia ada biking skarang. Jadi orang tara bisa ambe itu dari dia.”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 11:1

Ada laki-laki satu yang saki barát. Dia pe nama Lazarus. Dia tinggal di kampong Betania, sama-sama deng dia pe kaka parampuang dua. Dorang dua pe nama, Maria deng Marta.

Yohanes 11:31

Kong di ruma itu, ada banya orang agama Yahudi yang so datang untuk hibur pa Maria. Waktu dorang lia Maria badiri kong pigi kaluar, dong iko pa dia, barang dong kira dia mo pigi di kubur la manangis di sana.

Yohanes 11:33

Waktu Yesus lia Maria manangis sedi skali, deng orang-orang agama Yahudi yang datang sama-sama deng Maria, dorang lagi manangis, Yesus pe hati jadi susa skali. Kong deng sedi skali Dia bilang,

Yohanes 11:36

Babarapa orang Yahudi yang ada di situ bilang, “Coba lia, Dia paling sayang pa Lazarus.”

Yohanes 11:45

Waktu orang-orang agama Yahudi yang datang hibur pa Maria lia apa yang Yesus biking itu, banya dari dorang yang jadi percaya pa Yesus.

Yohanes 11:8

Tapi dorang bilang pa Dia, “Guru, bolong lama ini orang-orang Yahudi di sana mo lempar pa Guru deng batu la mo kase mati to? Kong bikiapa skarang Guru masi mo bale lagi ka sana?”

Roma 12:15

Turus, kalu ada orang yang sanang, ngoni iko sanang sama-sama deng dia. Kong kalu ada orang yang manangis, ngoni iko manangis sama-sama deng dia!

2 Korintus 1:4

Dia yang kase kuat torang pe hati waktu tong dapa macam-macam sengsara, supaya deng kekuatan itu tong me bole kase kuat orang laeng pe hati yang dapa macam-macam sengsara. Torang bole kase kuat pa dorang sama deng Tuhan Allah so kase kuat pa torang.

1 Tesalonika 4:18

Jadi, ngoni musti kase tau ajaran ini pa orang-orang, supaya ngoni bole baku kase kuat hati.

1 Tesalonika 5:11

Jadi, ngoni musti carita ulang ajaran ini pa ngoni pe tamang-tamang supaya baku kase hibur deng baku kase kuat orang pe hati, sama deng yang ngoni salalu biking sampe skarang ini.