Yohanes 10:29 - Perjanjian Baru Bahasa Melayu Maluku Utara
29 Kita pe Bapa yang kase dorang la jadi Kita punya, Dia pe kuasa lebe basar dari sapa saja. Tarada satu orang yang bisa rampas pa dorang dari Kita pe Bapa pe tangan.
Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.
Ngoni so dengar Kita ada bilang pa ngoni bagini: Kita mo pigi, tapi Kita mo datang ulang pa ngoni. Jadi kalu ngoni sayang pa Kita, pasti ngoni pe hati sanang skali, karna Kita pigi pa Kita pe Bapa. Barang, Kita pe Bapa itu lebe hebat dari Kita.
Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.
Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.
Yesus masi berdoa turus, Dia bilang, “Bapa, orang-orang yang Bapa so kase pa Kita di dunia ini, Kita so kase ajar pa dorang sampe dong kanal pa Bapa. Dorang itu Bapa punya yang Bapa kase pa Kita, kong skarang dorang so iko Bapa pe firman.
Bapa, Kita berdoa bukang untuk orang-orang yang tara percaya pa Kita. Tapi Kita berdoa untuk orang-orang yang iko pa Kita yang Bapa so kase pa Kita, karna dorang itu Bapa punya.