Yohanes 10:27 - Perjanjian Baru Bahasa Melayu Maluku Utara

²⁷ Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Yohanes 10:27 ပူးပေါင်းရင်းမြစ်များ

Matius 16:24

Turus, Yesus bilang pa Dia pe murit-murit, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib, kong iko pa Kita.

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Matius 25:12

Tapi pengantin laki-laki bilang dari dalam, ‘Dengar e, kita tara kanal pa ngoni.’ ”

Matius 7:23

Tapi waktu itu suda, Kita mo bilang pa dorang bagini, ‘Kita tara perna kanal pa ngoni. Bapinda suda dari sini, ngoni yang jaga biking barang yang jahat!’ ”

Markus 10:21

Yesus lia pa orang itu deng rasa kasiang, kong bilang pa dia, “Tapi masi ada satu yang ngana bolong biking. Ngana pigi suda kong jual samua ngana pe harta la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Markus 8:34

Turus Yesus pangge pa Dia pe murit-murit deng orang banya itu, kong Yesus bilang pa dorang, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib untuk iko pa Kita.

Lukas 13:27

Tapi waktu itu suda Dia mo bilang pa ngoni, ‘Dengar bae-bae yang Kita bilang pa ngoni, Kita tara kanal pa ngoni deng Kita tara tau ngoni dari mana! Bapinda suda dari sini, ngoni yang jaga biking barang yang jahat!’

Lukas 9:23

Yesus bilang pa dorang samua, “Sapa yang mo iko pa Kita, dia tara bole iko dia pe mau. Tiap hari dia musti siap menderita sampe mati karna iko pa Kita, itu sama deng dia pikul dia pe salib untuk iko pa Kita.

Yohanes 10:14

Kita ini suda sama deng gembala yang bae yang jaga bae-bae Kita pe domba, deng Kita kanal Kita pe domba-domba, kong Kita pe domba-domba kanal lagi pa Kita.

Yohanes 10:16

Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

Yohanes 10:8

Samua orang yang so datang lebe kamuka dari Kita kong mangaku kata, dia itu gembala, dorang itu bole kase sama deng papancuri deng tukang rampok. Tapi Kita pe umat yang percaya pa Kita, tara dengar pa dorang, sama deng domba-domba yang tara badengar pa papancuri.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 21:22

Yesus jawab pa Petrus, “Kalu Kita mau dia tetap hidup sampe Kita datang ulang yang kedua kali, itu bukang ngana pe urusan. Tapi ngana, iko suda pa Kita.”

Yohanes 5:25

Dengar bae-bae yang Kita mo bilang ini. Nanti ada dia pe waktu, mala skarang suda dia pe waktu, orang-orang mati mo dengar Anak Allah pe suara kong jadi percaya, sampe dorang itu akan hidup deng Tuhan Allah slama-lamanya.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:43

Ngoni tara mangarti deng apa yang Kita so bilang, karna ngoni tara mau tarima Kita pe ajaran.

Kisah Para Rasul 3:23

Sapa yang tara dengar-dengaran pa Dia, dorang itu Tuhan Allah tara tarima jadi Dia pe umat kong mo hukum pa dorang.

1 Korintus 8:3

Tapi orang yang sayang pa Tuhan Allah, pasti Tuhan Allah kanal pa dia.

Galatia 4:9

Tapi skarang ngoni so kanal pa Tuhan Allah, atau lebe bae kita bilang, Tuhan Allah yang so kanal pa ngoni ini. Jadi bikiapa kong ngoni bale lagi untuk jadi aturan-aturan di dunia ini pe suru-suru? Aturan-aturan itu tarada dia pe guna deng tara bisa kase slamat pa ngoni.

2 Timotius 2:19

Biar bagitu me, Tuhan Allah pe ajaran tetap kuat sama deng ruma pe fandasi. Di Tuhan Allah pe ajaran itu so tatulis bagini, “Tuhan Allah kanal Dia pe umat” deng “Sapa saja yang bilang, dia itu Tuhan Allah pe umat, dia musti berenti biking yang jahat”.

Ibrani 3:7

Jadi karna itu, dengar apa yang Roh Kudus bilang, “Hari ini, kalu ngoni dengar Tuhan Allah pe suara,

Wahyu 14:4

Dorang itu pe hidup bersi pa Tuhan Allah pe muka, itu sama deng laki-laki yang tara perna tidor deng parampuang. Dorang itu jaga iko pa Anak Domba itu di mana saja Dia pigi. Tuhan Allah so tebus pa dorang kamuka dari samua orang, jadi dorang itu so jadi sama deng korban persembahan yang pertama untuk Tuhan Allah deng Anak Domba.

Wahyu 3:20

Dengar bae-bae! Kita so badiri di ngoni pe muka pintu deng Kita so pangge-pangge mo maso. Kalu ada orang yang dengar Kita pe suara, kong buka pintu, nanti Kita akan maso kong tong makang sama-sama.