Yohanes 10:25 - Perjanjian Baru Bahasa Melayu Maluku Utara

²⁵ Kong Yesus bilang, “Kita so kase tau pa ngoni, tapi ngoni tara percaya. Kong Kita so biking banya mujizat pake Kita pe Bapa pe kuasa, itu suda yang kase tau deng jelas Kita ini sapa.

Yohanes 10:25 ပူးပေါင်းရင်းမြစ်များ

Yohanes 10:32

Tapi Yesus bilang pa dorang, “Ngoni so lia Kita biking banya hal yang bae yang Kita pe Bapa suru Kita biking. Kong, mana yang biking sampe ngoni mo lempar pa Kita deng batu?”

Yohanes 10:37

Kalu Kita tara biking yang Kita pe Bapa suru, ngoni bole tara percaya pa Kita.

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 11:47

Pe dengar itu, orang-orang dari aliran Farisi deng imam-imam kapala, dorang pangge pa pemimpin-pemimpin agama Yahudi pe kumpulan yang paling tinggi yang jaga adili orang. Kumpulan itu pe nama Mahkama Agama. Kong dorang bilang, “Apa yang torang musti biking deng Orang ini? Barang Dia so biking banya mujizat.

Yohanes 12:37

Biar lagi Yesus so biking banya mujizat pa dorang pe muka, tapi dorang masi tara percaya pa Dia.

Yohanes 14:11

Percaya suda pa Kita, waktu Kita bilang: Kita deng Bapa itu satu, kong Bapa deng Kita satu. Kalu ngoni susa mo percaya deng apa yang Kita bilang itu, percaya suda pa Kita karna samua yang Kita biking.

Yohanes 20:30

Masi banya lagi mujizat-mujizat yang Yesus so perna biking pa Dia pe murit-murit pe muka, tapi samua itu tara tatulis di dalam kitab ini.

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 7:31

Tapi di antara orang banya itu, ada banya yang so jadi percaya pa Dia, kong dorang bilang, “Pasti ini Mesias suda, Raja yang Tuhan Allah janji mo kase slamat pa manusia. Barang, tara ada orang yang bisa biking mujizat lebe banya dari yang Dia ada biking.”

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:24

Jadi tadi Kita bilang pa ngoni, ngoni akan mati karna ngoni pe dosa-dosa tara dapa ampun. Barang, ngoni tara percaya ‘Kita ini’ Dia suda, sama deng yang Kita so perna bilang pa ngoni.”

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

Yohanes 8:58

Yesus jawab, “Dengar bae-bae yang Kita bilang pa ngoni ini. Waktu Abraham bolong lahir, Kita ini so kamuka ada.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.