Yohanes 10:24 - Perjanjian Baru Bahasa Melayu Maluku Utara

²⁴ Turus, pemimpin-pemimpin agama Yahudi, dong bakumpul pa Yesus, turus bilang, “Guru, so lama skali torang tunggu Guru mo kase tau pa torang, Guru ini sapa sebenarnya. Kalu memang Guru ini Mesias, Raja yang Tuhan Allah janji mo kase slamat pa manusia, bilang suda turus tarang pa torang.”

Yohanes 10:24 ပူးပေါင်းရင်းမြစ်များ

Matius 11:3

Dorang tanya bagini, “Bapa, Bapa ini suda yang Tuhan Allah so janji mo datang itu? Atau torang musti tunggu yang laeng?”

Markus 8:32

Samua itu Yesus bilang turus tarang. Tapi Petrus hela pa Yesus pa dia pe pinggir kong togor, “Guru, jang bilang bagitu. Masa Guru menderita sampe mati.”

Lukas 3:15

Pe dengar Yohanes pe bicara, orang-orang batanya di dong pe dalam hati, “Mangkali Yohanes ini suda Mesias, Raja yang torang tunggu-tunggu deng harap-harap, yang Tuhan Allah janji mo kase slamat pa torang.”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 10:31

Pe dengar Yesus bilang bagitu, orang-orang Yahudi ambe batu lagi mo lempar kase mati pa Dia.

Yohanes 10:33

Kong dorang jawab, “Torang mo lempar pa Ngana bukang karna Ngana biking hal yang bae, tapi karna Ngana kase tara bae Tuhan Allah pe nama. Ngana ini manusia biasa saja, tapi Ngana biking diri sama deng Tuhan Allah.”

Yohanes 16:25

Samua ini Kita bilang pa ngoni pake umpama. Tapi akan ada dia pe waktu Kita mo bicara pa ngoni so tara pake umpama lagi, tapi deng turus tarang Kita mo kase tau tentang Kita pe Bapa.

Yohanes 8:25

Kong dorang bilang pa Dia, “Jadi, Bapa ini sapa?” Yesus jawab pa dorang, “Kita ini sama deng yang Kita so kase tau pa ngoni dari dulu.

Yohanes 8:53

Jang sampe Bapa bapikir Bapa lebe hebat dari torang pe orang tua dulu-dulu, Abraham. Memang dia so mati. Nabi-nabi laeng me so mati. Bapa ini sapa kong bicara macam bagitu?”

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

2 Korintus 3:12

Jadi, karna torang bagitu yakin deng Tuhan Allah pe janji yang baru itu, torang barani kase tau Kabar Bae tentang Yesus Kristus pa orang-orang.