Yohanes 10:16 - Perjanjian Baru Bahasa Melayu Maluku Utara

¹⁶ Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

Yohanes 10:16 ပူးပေါင်းရင်းမြစ်များ

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Lukas 15:8

Yesus bilang umpama satu lagi bagini, “Ada parampuang satu yang punya doi perak spulu. Satu kali, dia pe doi perak satu tu ilang. Jadi apa yang dia biking? Pasti parampuang itu kase manyala lampu, turus dia sapu dia pe ruma kong cari bae-bae dia pe doi yang ilang itu sampe dapa.

Yohanes 10:11

Kita ini bole kase sama deng gembala yang bae yang jaga bae-bae dia pe domba. Gembala yang bae siap mati asal dia pe domba-domba bole slamat.

Yohanes 10:2

Tapi sapa yang maso di kandang iko pintu, dia itu suda domba pe tuang yang siang malam jaga dia pe domba bae-bae. Dia itu orang jaga bilang gembala.

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Yohanes 10:3

Kalu gembala itu mo maso di kandang, orang yang jaga pintu kandang akan buka pintu pa dia. Turus, gembala itu pangge pa dia pe domba-domba, iko dong pe nama masing-masing, kong bawa pa dorang kaluar dari kandang itu. Domba-domba itu iko pa dorang pe gembala, barang dong kanal gembala itu pe suara.

Yohanes 10:4

Kalu dia pe domba samua so kaluar, dia bajalang di domba-domba itu pe muka kong dorang iko pa dia dari balakang, barang dong kanal dia pe suara.

Yohanes 10:5

Tapi kalu orang yang bukang dong pe tuang datang, dorang tara akan iko pa dia, mala dorang lari, barang dong tara kanal orang itu pe suara.”

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Yohanes 17:20

Yesus masi turus berdoa, Dia bilang, “Bapa, Kita berdoa bukang cuma untuk dorang ini yang so percaya pa Kita saja, tapi Kita berdoa lagi untuk orang-orang yang akan jadi percaya pa Kita karna dorang dengar ajaran tentang Kita, yang orang percaya ada kase ajar.

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Kisah Para Rasul 15:14

Simon Petrus so kase carita bagimana Tuhan Allah pertama kase tunju Dia pe bae pa orang-orang yang bukang Yahudi. Dia pili pa orang-orang dari bangsa yang bukang Yahudi untuk jadi Dia pe umat sandiri.

Kisah Para Rasul 18:10

karna Kita sama-sama deng ngana. Tara ada satu orang yang akan pukul deng siksa pa ngana, barang Kita pe umat ada banya di kota ini.”

Kisah Para Rasul 22:14

Abis itu, Ananias bilang pa kita bagini, ‘Tuhan Allah yang torang orang Yahudi pe orang tua dulu-dulu jaga semba, Dia itu so pili pa ngana supaya ngana tau Dia pe mau. Dia me pili pa ngana supaya ngana lia pa Orang yang Butul itu, deng supaya ngana dengar Dia pe suara.

Roma 11:25

Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.

2 Tesalonika 2:13

Sudara-sudara yang Tuhan Allah sayang! Torang salalu bilang tarimakasi pa Tuhan Allah untuk ngoni, karna waktu dunia ini bolong jadi, Dia so pili pa ngoni supaya ngoni dapa slamat. Dia kase slamat pa ngoni, barang ngoni percaya ajaran yang butul dari Tuhan Allah, deng karna Roh Kudus biking ngoni jadi Dia pe umat yang hidup deng hati bersi.

Ibrani 13:20

Tuhan Allah yang salalu biking torang pe hati tetap tenang, Dia yang kase hidup ulang pa Yesus waktu Yesus mati. Yesus itu torang pe Tuhan yang pimpin pa torang bae-bae, sama deng gembala jaga dia pe domba bae-bae. Dia pe dara yang tatumpa itu so biking Tuhan Allah pe janji deng manusia jadi kuat sampe slama-lamanya. Jadi kita minta pa Tuhan Allah,

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.

1 Petrus 5:4

Nanti waktu Yesus Kristus yang jadi Gembala di atas samua gembala itu datang ulang, ngoni akan tarima hadia yang luar biasa yang tara akan ilang sampe slama-lamanya.

Wahyu 3:20

Dengar bae-bae! Kita so badiri di ngoni pe muka pintu deng Kita so pangge-pangge mo maso. Kalu ada orang yang dengar Kita pe suara, kong buka pintu, nanti Kita akan maso kong tong makang sama-sama.