Yohanes 1:43 - Perjanjian Baru Bahasa Melayu Maluku Utara

⁴³ Dia pe beso, Yesus ambe keputusan untuk pigi di daera Galilea. Dia baku dapa deng Filipus, kong bilang pa dia, “Filipus, mari iko pa Kita!”

Yohanes 1:43 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Matius 4:12

Waktu itu, Yesus dapa dengar, Yohanes Pembaptis dapa maso di penjara. Pe dengar kabar itu, Dia pulang di kampong Nazaret di daera Galilea.

Matius 8:22

Tapi Yesus bilang pa dia, “Iko suda pa Kita skarang, kong kase biar suda orang mati urus dorang pe penguburan sandiri.”

Matius 9:9

Abis itu, Yesus pigi kase tinggal tampa itu, kong Dia dapa lia ada tukang tagi pajak satu dudu bakarja pa dia pe tampa batagi pajak. Orang itu pe nama Matius. Kong Yesus bilang pa dia, “Mari iko pa Kita.” Pe dengar bagitu, Matius badiri kong iko pa Yesus.

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Yohanes 1:28

Yohanes bilang samua itu di kampong Betania, waktu dia di kali Yordan pe sabla timur, tampa yang Yohanes biasa baptis orang.

Yohanes 1:29

Dia pe beso, Yohanes lia Yesus sementara datang pa dia. Kong Yohanes bilang pa orang-orang yang ada di situ, “Coba ngoni lia, Dia yang datang kamari itu Tuhan Allah mo kase jadi korban, sama deng domba pe ana yang torang orang Israel biasa kase korban untuk hapus dosa.

Yohanes 1:35

Dia pe beso, Yohanes Pembaptis badiri lagi di situ sama-sama deng dia pe murit dua orang.

Yohanes 1:37

Waktu Yohanes pe murit dua orang itu dengar apa yang Yohanes bilang itu, dorang langsung iko pa Yesus dari balakang.

Yohanes 1:44

Filipus pe asal dari kota Betsaida, satu asal deng Andreas deng Petrus.

Yohanes 12:21

Dorang itu pigi pa Filipus. Filipus itu dari kampong Betsaida di daera Galilea. Kong dorang bilang pa dia, “Bapa, torang ingin mo baku dapa deng Yesus.”

Yohanes 14:8

Filipus bilang pa Dia, “Tuhan, kase tunju Tuhan pe Bapa itu pa torang, supaya torang pe hati puas.”

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.

Yohanes 6:5

Waktu Yesus angka muka, Dia lia banya skali orang babadatang pa Dia. Kong Dia bilang pa Filipus, “Di mana torang bole bili makanang, supaya dorang samua ini bole makang?”

Yohanes 6:7

Filipus jawab pa Dia, “Biar lagi torang karja deng bulan-bulan, tetap tara cukup mo bili makanang untuk dorang samua, biar lagi dong cuma makang sadiki saja.”

Filipi 3:12

Kita tara perna anggap kita ini so mampo hidup sama deng Yesus Kristus, atau kita ini so sempurna. Tarada kasiang! Tapi kita berusaha turus supaya kita bole hidup sama deng itu, karna Kristus Yesus so pili pa kita jadi Dia punya waktu kita percaya pa Dia.

1 Yohanes 4:19

Torang baku sayang, karna Tuhan Allah yang kamuka sayang pa torang.