Yohanes 1:4 - Perjanjian Baru Bahasa Melayu Maluku Utara

⁴ Dia itu yang kase hidup pa samua-samua yang ada. Kong Dia itu lagi yang kase tarang pa manusia pe hati yang galap supaya dorang bole tau tentang Tuhan Allah.

Yohanes 1:4 ပူးပေါင်းရင်းမြစ်များ

Matius 4:16

Orang-orang di situ tara kanal pa Tuhan Allah, sama deng orang yang tinggal di dalam galap. Tapi dorang so lia Tarang satu yang luar biasa. Orang-orang yang tinggal dalam galap itu mo mati tapisa deng Tuhan Allah slama-lamanya, tapi Tarang itu so muncul di situ la kase tunju jalang supaya dorang bole dapa slamat.”

Lukas 2:32

Orang itu nanti sama deng tarang, yang kase tarang jalang. Dia kase tarang orang-orang yang bukang Yahudi pe hati, supaya dorang bole datang pa Tuhan Allah, deng supaya orang-orang puji deng hormat pa Tuhan Allah pe umat, bangsa Israel.”

Yohanes 11:25

Tapi Yesus bilang lagi pa Marta, “Kita ini yang kase hidup ulang pa orang yang so mati, deng yang bole kase orang hidup deng Tuhan Allah slama-lamanya. Jadi, sapa yang percaya pa Kita, biar lagi dia so mati, nanti dia mo hidup ulang.

Yohanes 12:35

Kong Yesus bilang pa dorang, “So tara lama lagi, Tarang ini ada sama-sama deng ngoni. Jadi waktu Tarang ini masi ada, ngoni musti bajalang sama-sama deng Tarang ini turus, jang sampe galap tutu ngoni pe jalang. Barang, sapa yang bajalang di galap, dia tara akan tau ka mana dia mo pigi.

Yohanes 12:46

Kita datang di dunia ini sebagai Tarang, supaya sapa saja yang percaya pa Kita, dia itu so tara hidup lagi di dalam galap.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 3:19

Tuhan Allah so sadia hukuman itu karna bagini: Anak Allah datang di dunia ini untuk kase tarang manusia pe hati, tapi manusia lebe suka galap daripada tarang, karna manusia pe kalakuang jahat.

Yohanes 5:21

Bapa itu yang kase hidup ulang pa orang-orang yang mati. Bagitu lagi deng Dia pe Anak mo kase hidup pa sapa saja yang Dia pe Anak mau. Hidup itu, hidup deng Tuhan Allah slama-lamanya.

Yohanes 5:26

Barang, sama deng Bapa ada kuasa untuk kase hidup orang, bagitu lagi Dia kase kuasa itu pa Dia pe Anak untuk kase hidup pa orang.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 9:5

Jadi selama Kita masi ada di dalam dunia, Kita ini tarang dunia yang kase tarang manusia pe hati.”

Kisah Para Rasul 26:23

Dorang so kase tau tentang Mesias, Raja yang Tuhan Allah janji mo kase slamat pa manusia. Dorang bilang, Dia musti tanggung siksa banya kong mati, tapi Dia itu yang pertama akan hidup ulang supaya Dia bole kase tau Kabar Bae pa orang Yahudi deng pa orang yang bukang Yahudi la dorang bisa dapa slamat. Itu sama deng Dia kase tarang di dorang pe hati.”

1 Korintus 15:45

Itu sama deng yang so tatulis di Kitab Suci bagini, “Tuhan Allah biking manusia pertama yang pe nama Adam, jadi hidup.” Kong Yesus Kristus yang dapa sebut, Adam terahir itu, Dia yang kase hidup pa manusia.

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

Kolose 3:4

Yesus Kristus itu suda yang ruba ngoni pe hidup jadi baru. Jadi nanti waktu Dia datang ulang yang kedua kali, samua orang akan lia pa Dia deng lia pa ngoni lagi, kong ngoni dapa puji deng hormat sama-sama deng Dia.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.

1 Yohanes 1:2

Dia itu yang kase hidup pa manusia. Dari pertama Dia ada sama-sama deng Bapa di sorga. Dia so datang di dunia kong torang lia pa Dia. Jadi torang mo jadi Dia pe saksi la kase tau pa ngoni bagimana ngoni bole mo dapa hidup deng Tuhan Allah slama-lamanya.

1 Yohanes 5:11

Ini yang Dia kase tau: Tuhan Allah kase pa torang hidup deng Dia slama-lamanya, kong hidup slama-lamanya itu torang dapa dari Dia pe Anak.

Wahyu 22:1

Abis itu, malaekat itu kase tunju pa kita kali satu. Kali itu dia pe aer jerni sama deng kristal. Dia pe aer itu yang biking orang hidup deng Tuhan Allah slama-lamanya. Aer itu malele dari Tuhan Allah deng dari Anak Domba pe kursi raja,

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”