Yohanes 1:32 - Perjanjian Baru Bahasa Melayu Maluku Utara

³² Kong Yohanes kase tau apa yang dia ada lia yang so jadi pa Yesus, dia bilang, “Kita so lia Tuhan Allah pe Roh turung dari langit sama deng burung pombo kong tinggal di atas pa Dia.

Yohanes 1:32 ပူးပေါင်းရင်းမြစ်များ

Matius 3:16

Abis Yohanes baptis pa Yesus, Yesus kaluar dari aer. Waktu itu suda, langit tabala kong Yesus lia Tuhan Allah pe Roh sama deng burung pombo turung di atas pa Dia.

Markus 1:10

Bagitu Yesus kaluar dari aer, Dia lia langit tabalá, kong Roh Kudus sama deng burung pombo turung di atas pa Dia.

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Yohanes 1:31

Dulu, kita sandiri me tara tau sapa Dia. Tapi skarang, kita so kanal pa Dia. Kita datang di dalam dunia ini supaya kita baptis orang deng aer, deng supaya orang Israel bole tau Dia itu Kristus, Raja yang Tuhan Allah janji mo kase slamat pa manusia.”

Yohanes 1:7

Dia datang untuk jadi saksi la kase tau tentang tarang itu, supaya samua orang yang dengar apa yang dia kase tau itu, dorang bole percaya.

Yohanes 5:32

Tapi Tuhan Allah sandiri yang jadi saksi bilang butul Kita ini yang Dia utus, kong Kita tau apa yang Dia kase tau tentang Kita itu butul, jadi orang bole percaya.