Yohanes 1:31 - Perjanjian Baru Bahasa Melayu Maluku Utara

³¹ Dulu, kita sandiri me tara tau sapa Dia. Tapi skarang, kita so kanal pa Dia. Kita datang di dalam dunia ini supaya kita baptis orang deng aer, deng supaya orang Israel bole tau Dia itu Kristus, Raja yang Tuhan Allah janji mo kase slamat pa manusia.”

Yohanes 1:31 ပူးပေါင်းရင်းမြစ်များ

Matius 3:13

Waktu itu, Yesus datang dari daera Galilea pigi ka sana di kali Yordan supaya Yohanes baptis pa Dia.

Matius 3:6

Dorang mangaku dong pe dosa-dosa, turus Yohanes baptis pa dorang di kali Yordan.

Lukas 1:17

Ana itu nanti pe kuasa basar sama deng nabi Elia dulu, karna Roh Kudus so kuasai pa dia. Kong dia mo datang kamuka sebelum Tuhan datang. Dia mo biking orang tua laki-laki pe hati baku bae deng dong pe ana-ana. Dia me akan biking orang yang malawang Tuhan Allah pe parenta jadi orang yang jaga biking barang yang butul. Deng bagitu, dia mo kase siap orang-orang supaya jadi pantas untuk jadi Tuhan Allah pe umat.”

Yohanes 1:30

Dia itu suda yang kita pe maksut waktu kita bilang, ‘Nanti ada yang mo datang abis kita. Dia lebe hebat dari kita karna Dia memang so kamuka ada sebelum kita lahir.’

Yohanes 1:32

Kong Yohanes kase tau apa yang dia ada lia yang so jadi pa Yesus, dia bilang, “Kita so lia Tuhan Allah pe Roh turung dari langit sama deng burung pombo kong tinggal di atas pa Dia.

Yohanes 1:33

Waktu itu, kita sandiri bolong tau Dia itu Kristus, Raja yang Tuhan Allah janji mo kase slamat pa manusia. Tapi Tuhan Allah yang suru kita baptis deng aer, Dia so bilang pa kita bagini, ‘Kalu ngana lia Kita pe Roh turung di atas satu Orang kong tinggal di atas pa Dia, Dia itu suda yang mo pake Roh Kudus untuk baptis orang.’

Yohanes 1:7

Dia datang untuk jadi saksi la kase tau tentang tarang itu, supaya samua orang yang dengar apa yang dia kase tau itu, dorang bole percaya.

Kisah Para Rasul 19:4

Kong Paulus bilang pa dorang, “Waktu Yohanes baptis orang, itu tanda dorang so bertobat. Tapi Yohanes me kase tau lagi pa orang-orang, nanti abis dia, ada satu Orang lagi mo datang, kong dorang musti percaya pa Dia. Dia itu pe nama Yesus.”