Yohanes 1:29 - Perjanjian Baru Bahasa Melayu Maluku Utara

²⁹ Dia pe beso, Yohanes lia Yesus sementara datang pa dia. Kong Yohanes bilang pa orang-orang yang ada di situ, “Coba ngoni lia, Dia yang datang kamari itu Tuhan Allah mo kase jadi korban, sama deng domba pe ana yang torang orang Israel biasa kase korban untuk hapus dosa.

Yohanes 1:29 ပူးပေါင်းရင်းမြစ်များ

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Matius 20:28

Itu sama deng Anak Manusia yang dari sorga datang di dunia ini bukang untuk dapa layani, tapi untuk layani deng kase diri mati la tebus orang banya pe dosa.”

Yohanes 1:35

Dia pe beso, Yohanes Pembaptis badiri lagi di situ sama-sama deng dia pe murit dua orang.

Yohanes 1:36

Yohanes lia Yesus bajalang lewat di jalang itu, kong dia bilang bagini, “Coba ngoni lia Orang itu! Dia itu yang Tuhan Allah kase la mo jadi korban untuk hapus manusia pe dosa, sama deng domba pe ana yang torang orang Israel pe korban persembahan untuk hapus dosa!”

Yohanes 1:43

Dia pe beso, Yesus ambe keputusan untuk pigi di daera Galilea. Dia baku dapa deng Filipus, kong bilang pa dia, “Filipus, mari iko pa Kita!”

Yohanes 2:1

Dia pe lusa, ada pesta kawing di kampong Kana di daera Galilea. Yesus pe mama ada di pesta itu.

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

Yohanes 4:42

Dorang bilang pa parampuang itu, “Torang skarang percaya bukang cuma karna dengar apa yang ngana bilang, tapi karna torang sandiri so dengar dari Dia langsung kong torang so tau Dia itu memang butul-butul Orang yang mo kase slamat pa manusia dari dosa-dosa.”

Yohanes 6:51

Kita ini suda makanang yang so turung dari sorga, yang bole kase hidup pa manusia. Sapa saja yang makang makanang ini, dia akan dapa hidup deng Tuhan Allah slama-lamanya. Kong makanang yang Kita mo kase itu, Kita pe badan suda, yang Kita mo kase pa samua orang di dunia ini supaya dorang bole hidup.”

Kisah Para Rasul 13:39

Jadi sapa yang percaya pa Yesus, orang itu so jadi tara sala pa Tuhan Allah pe muka. Tapi kalu torang cuma iko aturan-aturan di lima kitab Musa, torang tara bisa jadi orang yang butul pa Tuhan Allah pe muka.

Kisah Para Rasul 8:32

Yang pejabat itu baca di Kitab Suci, dia babunyi bagini, “Orang-orang bawa pa Dia sama deng dorang ada bawa domba la mo potong. Sama deng domba yang orang gunting dia pe bulu-bulu, Dia cuma babadiam, tara bicara apa-apa.

1 Korintus 15:3

Barang, dari samua ajaran yang kita so tarima dari Tuhan Yesus, itu suda yang kita so kase tau pa ngoni, kong yang paling penting itu bagini: Yesus Kristus so mati untuk tebus torang pe dosa-dosa, iko sama deng yang so tatulis di Kitab Suci.

2 Korintus 5:21

Yesus Kristus tara perna biking dosa, tapi Tuhan Allah so kase hukuman pa Dia untuk ganti pa torang yang berdosa, supaya torang yang percaya pa Yesus Kristus, Tuhan Allah biking torang jadi orang yang tara sala pa Dia pe muka.

Galatia 1:4

Tuhan Yesus Kristus yang so serakan Dia pe diri untuk tebus torang pe dosa-dosa, supaya Dia bole kase bebas pa torang dari kuasa jahat yang skarang ada di dunia ini. Dia biking samua itu, iko Tuhan Allah, torang pe Bapa pe mau.

Galatia 3:13

Kong torang samua pantas dapa kutuk karna torang tara mampo iko samua aturan di lima kitab Musa. Tapi biar bagitu me, Yesus Kristus kase Dia pe diri mati la kase bebas pa torang dari kutuk itu, deng cara Dia kase Dia pe diri dapa kutuk mati untuk torang. Karna di Kitab Suci ada tatulis bagini, “Orang yang dapa hukum mati di kayu salib, dia itu sama deng dapa kutuk dari Tuhan Allah.”

1 Timotius 2:6

Dia serakan Dia pe diri untuk kase slamat samua manusia dari dosa. Deng bagitu, Tuhan Allah kase tunju bukti di waktu yang Dia tentukan, Dia ingin supaya samua manusia dapa slamat.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Ibrani 1:3

Kong deng torang lia pa Anak Allah itu, torang bole dapa lia Tuhan Allah pe kuasa yang luar biasa. Karna kalu torang so dapa lia pa Dia, itu sama saja deng torang so lia pa Tuhan Allah. Anak Allah itu lagi yang ator samua-samua yang ada di dunia ini pake Dia pe bicara yang ada kuasa. Dia me yang kase Dia pe diri mati, supaya kase ampun manusia pe dosa. Abis itu, Dia nae di sorga, dudu di tampa yang terhormat, pa Tuhan Allah Yang Paling Berkuasa pe sabla kanan.

Ibrani 2:17

Kong karna Dia mo tolong pa torang yang jadi Dia pe sudara, Tuhan Allah musti biking Yesus jadi sama persis deng torang manusia. Deng karna Yesus so rasa samua yang torang so rasa, Dia bole kase tunju Dia pe rasa kasiang pa torang manusia, sampe bole kase Dia pe diri mati untuk tebus torang pe dosa-dosa. Deng Dia mati itu, Yesus jadi Imam Basar yang setia pa Tuhan Allah supaya torang deng Tuhan Allah pe hubungan jadi bae ulang.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

1 Petrus 1:19

tapi Dia bayar mahal pake Yesus Kristus pe dara yang berharga skali. Yesus itu sama deng domba pe ana yang tara cacat, deng yang tara kurang apa-apa, untuk mo jadi korban persembahan.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.

1 Yohanes 2:2

Dia mati jadi korban supaya torang pe dosa dapa ampun. Kong bukang cuma torang pe dosa, tapi samua orang di dunia ini pe dosa-dosa lagi.

1 Yohanes 3:5

Ngoni tau, Yesus datang di dunia ini untuk hapus torang pe dosa-dosa. Deng ngoni me tau, Dia itu tarada dosa.

1 Yohanes 4:10

Sayang yang butul itu, bukang torang yang sayang pa Tuhan Allah, tapi Tuhan Allah yang sayang pa torang, sampe Dia utus Dia pe Ana untuk jadi korban supaya torang dapa ampun dari torang pe dosa-dosa.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

Wahyu 12:11

Torang pe sudara-sudara yang percaya so menang, dorang so kase kala pa Iblis. Dorang so kase kala pa dia, karna Anak Domba pe dara so tatumpa untuk tebus dorang pe dosa-dosa. Dorang me kase kala pa dia, karna dong tara berenti mangaku tentang Anak Domba yang jadi dong pe Tuhan. Biar pa dorang pe hidup dorang dapa siksa atau dapa bunu, dong tara mundur, dong tetap kase tau itu turus.

Wahyu 13:8

Kong samua orang yang tinggal di bumi mo semba pa binatang itu. Orang-orang yang semba itu, dorang yang pe nama tara tatulis di Anak Domba pe buku kehidupan waktu dunia ini bolong jadi. Buku kehidupan itu, Anak Domba yang so perna dapa bunu pe buku. Di buku itu, Tuhan Allah tulis orang-orang pe nama yang mo dapa hidup deng Tuhan Allah slama-lamanya.

Wahyu 14:1

Abis itu, kita lia Anak Domba badiri di gunung kacil satu, gunung itu pe nama Sion. Anak Domba itu badiri sama-sama deng Dia pe umat saratus ampa pulu ampa ribu. Di orang-orang itu pe testa ada tatulis Anak Domba pe nama deng Dia pe Bapa pe nama.

Wahyu 14:10

Tuhan Allah mara skali kong mo hukum pa dorang. Hukuman itu sama deng dorang mo minum anggur pait yang tara campur deng apa-apa. Tuhan Allah mo buang pa dorang di api deng di belerang kong malaekat-malaekat yang kudus deng Anak Domba lia pa dorang dari atas.

Wahyu 14:4

Dorang itu pe hidup bersi pa Tuhan Allah pe muka, itu sama deng laki-laki yang tara perna tidor deng parampuang. Dorang itu jaga iko pa Anak Domba itu di mana saja Dia pigi. Tuhan Allah so tebus pa dorang kamuka dari samua orang, jadi dorang itu so jadi sama deng korban persembahan yang pertama untuk Tuhan Allah deng Anak Domba.

Wahyu 15:3

Dorang manyanyi nabi Musa pe lagu, nabi Musa itu yang jaga biking apa yang Tuhan Allah suru. Lagu itu me Anak Domba pe lagu. Lagu itu pe babunyi bagini, “Ya Tuhan, Tuhan Allah Yang Paling Berkuasa. Tuhan yang biking hal-hal yang luar biasa sampe orang herang. Oo, Tuhan, samua suku pe Raja. Samua yang Tuhan biking itu butul deng adil.

Wahyu 17:14

Dorang mo baku prang deng Anak Domba. Tapi Anak Domba itu sama-sama deng Dia pe umat mo kase kala pa dorang, karna Anak Domba itu, Tuhan dari samua tuhan, deng Raja dari samua raja. Kong orang-orang yang sama-sama deng Anak Domba, dorang itu yang Tuhan so pangge, so pili deng yang setia pa Dia.”

Wahyu 19:7

“Mari suda torang puji pa Tuhan deng hati sanang, deng torang puji deng hormat pa Dia! Barang, Anak Domba pe hari kawing so sampe, deng Anak Domba pe pengantin parampuang so siap.

Wahyu 19:9

Turus malaekat itu bilang pa kita bagini, “Yohanes, tulis kata-kata ini: orang-orang yang dapa undang iko Anak Domba pe pesta kawing, dorang itu paling sanang suda.” Malaekat itu bilang lagi pa kita, “Kata-kata ini dari Tuhan Allah, jadi samua itu butul.”

Wahyu 21:14

Pagar tembok di kota itu ada kase badiri di atas dua blas batu fandasi basar. Di tiap batu itu, masing-masing ada tatulis Anak Domba itu pe dua blas rasul pe nama-nama.

Wahyu 21:27

Tapi samua yang jahat, atau orang yang jaga biking hal-hal yang cafarune atau yang jaga kase foya orang, dorang tara akan maso di kota itu. Yang bisa maso di kota itu cuma orang-orang yang dong pe nama ada tatulis di Anak Domba pe buku kehidupan. Di buku itu ada tulis orang-orang pe nama yang dapa hidup deng Tuhan Allah slama-lamanya.

Wahyu 21:9

Abis itu, kita lia malaekat satu dari tuju malaekat yang perna bawa tuju mangko yang pe isi cilaka terahir itu. Malaekat itu bilang pa kita bagini, “Mari suda! Kita mo kase tunju pengantin parampuang itu deng Anak Domba.”

Wahyu 5:6

Abis itu, kita lia Anak Domba satu badiri di pinggir Tuhan Allah pe kursi raja. Kong ampa binatang luar biasa itu, deng samua dua pulu ampa pemimpin itu kuliling pa Dia. Anak Domba itu dapa lia sama deng so perna dapa bunu, tapi so hidup ulang. Dia pe tandu ada tuju deng mata tuju. Mata tuju itu pe arti, tuju Roh yang Tuhan Allah utus di seluru dunia ini.

Wahyu 5:8

Waktu Anak Domba ambe kitab yang tagulung itu, ampa binatang yang luar biasa itu deng dua pulu ampa pemimpin itu berlutut semba pa Dia sampe dong pe muka kanal di tana. Dorang masing-masing ada pegang kecapi satu deng mangko mas satu. Mangko mas itu ada isi kemenyan yang kalu bakar dia pe bobou sadap. Bobou sadap itu pe arti, doa-doa dari orang-orang yang so jadi Tuhan Allah pe umat.

Wahyu 6:1

Turus, kita lia Anak Domba buka segel yang pertama yang talém di kitab tagulung itu. Kong kita dengar binatang yang pertama dari ampa binatang luar biasa itu bicara kuat-kuat sama deng guntur pe babunyi. Dia bilang, “Mari suda!”

Wahyu 6:16

Dorang bilang pa gunung-gunung deng batu-batu, “Tutu suda pa torang la tong tasambunyi dari Dia yang dudu di kursi raja, deng dari Anak Domba yang kase hukuman barát pa torang.”

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.

Wahyu 7:17

Karna Anak Domba yang ada di tenga-tenga kursi raja pe muka itu, Dia mo jadi dorang pe Gembala. Dia mo bawa pa dorang minum di mata aer yang biking dorang hidup, kong Tuhan Allah mo hapus dorang samua pe aer mata.”