Yohanes 1:24 - Perjanjian Baru Bahasa Melayu Maluku Utara

²⁴ Di antara orang-orang Yahudi yang dapa utus untuk batanya pa Yohanes itu, ada babarapa orang dari aliran Farisi. Aliran Farisi itu pegang kuat agama Yahudi pe aturan.

Yohanes 1:24 ပူးပေါင်းရင်းမြစ်များ

Matius 23:26

Ee ngoni orang-orang Yahudi dari aliran Farisi, ngoni sama deng orang-orang buta! Kase bersi dulu ngoni pe pikiran dari pikiran yang jahat, supaya apa yang ngoni biking deng bilang lagi itu jadi bagus, itu sama deng kase bersi galas deng piring pe bagian dalam supaya bagian luar lagi mo bersi.

Lukas 11:53

Abis bilang bagitu, Yesus pigi kase tinggal tampa itu. Kong mulai waktu itu, guru-guru agama Yahudi yang ahli lima kitab Musa deng orang-orang dari aliran Farisi mulai cari-cari hal deng Yesus. Dorang pancing-pancing tanya pa Yesus la Dia angka suara tentang banya hal.

Lukas 16:14

Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

Lukas 7:30

Tapi orang-orang Yahudi dari aliran Farisi deng guru-guru agama, dorang tara kase dong pe diri untuk dapa baptis dari Yohanes, jadi deng bagitu, dorang tara tarima Tuhan Allah pe rencana untuk dong pe hidup.

Yohanes 1:23

Turus Yohanes kase tau pa dorang, “Kita ini suda yang nabi Yesaya bilang mo datang waktu dia kase turus Tuhan Allah pe pasáng bagini, ‘Nanti akan ada orang yang mo bicara kuat-kuat di padang gurun bagini: kase lurus jalang la sambut pa Tuhan!’ ”

Yohanes 1:25

Kong dorang tanya pa dia, “Kalu ngana bukang Mesias, deng ngana bukang nabi Elia, deng ngana lagi bukang nabi yang mo datang itu, bikiapa kong sampe ngana baptis orang?”

Kisah Para Rasul 23:8

Dorang tabage dua, barang orang-orang dari aliran Saduki tara percaya, orang yang so mati bisa hidup ulang. Dorang me tara percaya ada roh-roh deng malaekat. Tapi, orang-orang dari aliran Farisi percaya samua itu.

Kisah Para Rasul 26:5

Dorang tau, kita ini so lama iko aliran Farisi, aliran yang paling pegang kuat torang agama Yahudi pe aturan. Kong kalu dorang mau, dong bisa basaksi pa bapa pe muka.