Yohanes 1:21 - Perjanjian Baru Bahasa Melayu Maluku Utara

²¹ Turus, dorang bale batanya lagi “Kalu bagitu, ngana ini sapa? Ngana nabi Elia yang bale ulang di dunia ka bukang?” Yohanes jawab, “Bukang!” Turus dorang tanya lagi, “Ngana itu nabi yang jaga kase turus Tuhan Allah pe pasáng, yang Dia so janji dari dulu?” Yohanes balas jawab pa dorang, “Bukang!”

Yohanes 1:21 ပူးပေါင်းရင်းမြစ်များ

Matius 11:14

Kong di situ ada kase tau, nabi Elia mo datang ulang. Jadi kalu ngoni mau tarima, nabi Elia yang dong bilang mo datang itu, itu Yohanes suda.

Matius 16:14

Kong dorang jawab, “Ada yang bilang Yohanes Pembaptis, yang laeng bilang nabi Elia. Kong yang laeng lagi bilang nabi Yeremia atau satu dari nabi-nabi laeng.”

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Lukas 1:17

Ana itu nanti pe kuasa basar sama deng nabi Elia dulu, karna Roh Kudus so kuasai pa dia. Kong dia mo datang kamuka sebelum Tuhan datang. Dia mo biking orang tua laki-laki pe hati baku bae deng dong pe ana-ana. Dia me akan biking orang yang malawang Tuhan Allah pe parenta jadi orang yang jaga biking barang yang butul. Deng bagitu, dia mo kase siap orang-orang supaya jadi pantas untuk jadi Tuhan Allah pe umat.”

Yohanes 1:22

Kong dorang batanya lagi pa dia, “Kalu bagitu, coba ngana bilang kamari pa torang, sebenarnya ngana ini sapa? Supaya torang bisa kase tau dia pe jawaban pa dorang yang so utus pa torang. Apa yang ngana mo bilang tentang ngana pe diri sandiri?”

Yohanes 1:25

Kong dorang tanya pa dia, “Kalu ngana bukang Mesias, deng ngana bukang nabi Elia, deng ngana lagi bukang nabi yang mo datang itu, bikiapa kong sampe ngana baptis orang?”

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 7:40

Waktu orang banya dengar Yesus pe kata-kata itu, ada babarapa dari dorang yang bilang bagini, “Dia ini suda, Nabi yang Tuhan Allah perna janji mo datang.”